ދޯންޏެއްގައި ރޯވެ އެކަކަށް އަނިޔާވެއްޖެ

ދޯންޏެއްްގައި ރޯވެ އެ ދޯނީގެ ފަޅުވެރިއަކަށް އަނިޔާވެއްޖެއެވެ.

އެމްއެންޑީއެފްއިން ވިދާޅުވީ ކ. ކުޑަވިލިނގިލި ރިސޯޓް ކަައިރީގައި އޮތް ދޯންޏެއްގައި އަލިފާނުގެ ހާދިސާއެއް ހިނގައިގެންއުޅޭކަމުގެ ރިޕޯޓް އެ އިދާރާއަށް ލިބިފައިވާ ކަމަށެވެ.

މި ހާދިސާގެ ރިޕޯޓް ސިފައިންނަށް ލިބުނީ މެންދަމު 3:23 ގައި ކަމަށް ވެސް އެ އިދާރާއިން ވިދާޅުވެއެވެ.

އެ ހާދިސާގެ މައުލޫމާތު ލިބުމާއެކު ސިފައިންގެ ފަޔާ ޓީމުން އެސަރަހައްދަށް ގޮސް ދޯނީގައި ރޯވި އަލިފާން ނިއްވާލުމުގެ މަސައްކަތްފަށާފައިވާ ކަމަށް ވެސް އެމްއެންޑީއެފްއިން ވިދާޅުވެއެވެ.

މި ހާދިސާގައި ހިނގި އިރު ދޯނީގައި ތިބީ 4 މީހުންނެވެ. އޭގެ ތެރެއިން އެކަކަށް އަނިޔާވެފައިވާ ކަމުގެ މައުލޫމާތު ލިބިފައިވާކަމަށް ވެސް އެމްއެންޑީއެފްއިން ވިދާޅުވިއެވެ.