ވޯޓެއް ނުގަންނާނެ ކަމަށާއި ރިޝްވަތެއް ވެސް ނުދޭނެ ކަމަށާއި ރިޔާސީ އިންތިހާބު ރައީސް ސާލިހު އެއްބުރުން ނަގާނެ ކަމަށް ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު ވިދާޅުވެއްޖެއެވެ.

ޖާބިރު މިހެން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުންނެވެ.

Ad
rt

ވަރަށް ފޯރިއާ ޖޯޝާއެކު ވާހަކަ ދައްކަވަމުން އޭނާ ވިދާޅުވީ 2023 ވަނަ އަހަރުގެ ރިޔާސީ އިންތިހާބަށް ތައްޔާރުވަމުންދާއިރު، މަޖިލީހުގެ ޒިންމާ އުފުލަން ޖެހޭ ކަމަށެވެ. އަދި މަޖިލިސް އޮތީ ހަތަރުއަނގޮޅި އަކަށް ހުއްޓިފައި ކަމަށެވެ.

މީގެ އިތުރުން ބާރު އަންނަނީ ރައްޔިތުންގެ ކިބައިންކަން ގާނޫނުއަސާސީގައި ބުނާ ކަމަށާއި 21 ދުވަސްތެރޭގައި ރާއްޖޭގެ ރައީސުލްޖުމްހޫރިއްޔާ އެއް އިންތިހާބު ކުރަން ޖެހޭ ކަމަށް ވެސް އޭނާ ވިދާޅުވިއެވެ. އަދި ގާނޫނުއަސާސީ އާ ހިލާފަށް މަޖިލިސް އޮޕްރޭޓުވެގެން ނުވާނެ ކަމަށް ވެސް ވިދާޅުވިއެވެ.

"އަޅުގަނޑު ޖެހޭނީ ޑްރޯނެއްގައި ދާގޮތަށް ގޮސް ތިޔަ ގޮނޑީގަ އިންނަން." މަޖިލީހުގެ ރިޔާސަތަށް އިޝާރާތް ކުރައްވާ ޖާބިރު ވިދާޅުވިއެވެ.

ޖާބިރު އިތުރަށް ވިދާޅުވީ ރައީސް މިވަގުތު އުޅުއްވަނީ އާލާސްކަންފުޅާ ކަމަށާއި އެހެންވެ އައުދާނަކަން ލިބިގެންވާ ސްޕެޝަލް އެންވޯއީ ގެ ގޮތުގައި ކެމްޕެއިނާ ހަވާލުވަނީ ކަމަށް ވެސް ވިދާޅުވިއެވެ.

ރާއްޖޭގެ ގާނޫނުއަސާސީގައި މިނެކިރުމުން ވައްކަންކުރުން މަނާ ކަމަށާއި އިސްލާމް ދީނާ ހިލާފު އެއްވެސް ކަމެއް ކުރުން މަނާ ކަމަށް ވެސް ވިދާޅުވިއެވެ. އަދި ރާއްޖޭގައި ތިބޭނީ ސުންނީ މުސްލިމުން ކަމަށް ވެސް ގާނޫނުއަސާސީގައި ލިޔެފައިވާ ކަމަށް ޖާބިރު ވިދާޅުވިއެވެ.

ޖާބިރު ވިދާޅުވީ އޭނާ މި އަންނަނީ ރާއްޖޭގައި ތިބި ސުންނީ މުސްލިމުން ނޫން އެހެން އެންމެން ހައޔަރު ކުރުމުގެ އަމުރާ އެކުގައި ކަމަށާއި މަޖިލީހުގެ ރައީސް އިސްތިއުފާ ދެއްވަން ޖެހޭނެ ކަމަށް ވެސް ވިދާޅުވިއެވެ. އަދި ރައްޔިތުންގެ މަޖިލިސް ހިންގަން ޖެހޭނީ ގާނޫނުއަސާސީ އާ އެއްގޮތަށް ކަމަށް ވެސް ވިދާޅުވިއެވެ.