ކާލްސްބާގު ރިޖަށް 5.6 މެގްނިޓިއުޑްގެ ބިންހެލުމެއް އައިސްފައިވާ ކަމަށް މޯލްޑިވްސް މީޓިއޮރޮލޮޖިކަލް ސާވިސްގެ މެޓް އޮފީހުން ބުނެފިއެވެ.

ކާލްސްބާގު މިޑް އިންޑިއަން ރިޖަށް އައި ކަމަށް ރެކޯޑު ކުރެވުނު މި ބިންހެލުން އައީ އައްޑޫ ސީޓީ އާއި 894 ކިލޯ މީޓަރު ދުރުންނެވެ.

Ad
rt

ނަމަވެސް މި ބިންހެލުމުގެ އަސަރު ރާއްޖެއަށް ނުކުރާނެ ކަމަށް މެޓުން ބުނެއެވެ.

މިދިޔަ ޑިސެމްބަރު މަހުގެ 28 ވަނަ ދުވަހުގެ ރޭން ފެށިގެން 29 ވަނަ ދުވަހުގެ ހެނދުނާއި ހަމައަށް ވެސް ކާލްސްބާގު މިޑް އިންޑިއަން ރިޖަށް ހަތަރު ބިންހެލުމެއް އައި ކަމަށް ރެކޯޑު ކުރެވިފައި ވެއެވެ.

މީގެ ތެރެއިން އެންމެ ބާރުގަދައީ 5.5 މެގްނިޓިއުޑްގެ ބާރުމިނުގައި އައި ބިން ހެލުމެކެވެ.

މި ބިންހެލުންތައް އައިސްފައި ވަނީ ވެސް އައްޑޫ ސީޓީ 900 އެއްހާ ކިލޯމިޓަދުރުން ނެވެ.