ކޯވިޑް-19 އާ ގުޅިގެން އުފެދޭ ފިޤުހީ މައްސަލަތަކުގައި އިސްލާމިކް މިނިސްޓަރު ނިންމަވާ ނިންމެވުންތައް ނިންމަވަމުން ގެންދަވަނީ ޢިލްމްވެރިންނާއި، ޑޮކްޓަރުންގެ ލަފާ ހޯއްދަވައި، ޢިލްމުވެރިން ދައްކަވާ ޙުއްޖަތް ތަކުގެ މައްޗަށް ރިޢާޔަތްކުރެއްވުމަށް ފަހުގައި ކަމަށާއި، އެ ނިންމުންތަކާއި މެދު ރައްޔިތުންގެ ހިތްތަކުގައި ޝައްކު އުފެދޭ ގޮތަށް ޚަބަރު ނުފެތުރުމަށް އިސްލާމިކް މިނިސްޓްރީން އިލްތިމާސްކޮށްފިއެވެ.
އެ މިނިސްޓްރީއިން މިގޮތަށް އިލްތިމާސް ކުރީ މިއަދު މެންދުރު 12:59 ގައި ކޮށްފައިވާ ޓުވީޓެއްގައެވެ. އެ ޓުވީޓުގައި ބުނެފައި ވަނީ ކޯވިޑް-19 އާއި ގުޅިގެން އުފެދޭ ފިޤުހީ މައްސަލަތަކުގައި އިސްލާމިކް މިނިސްޓަރު ޑރ. އަޙްމަދު ޒާހިރު ޢަލީ ނިންމުންތައް ނިންމަވާފައިވަނީ ރާއްޖޭގެ 30 އަށްވުރެ ގިނަ ޢިލްމުވެރިންގެ މައްޗަށް އެކުލެވޭ ކޮމިޓީއެއް އެކުލަވާލައްވައި ކޮންމެ މައްސަލައެއްގައި ވަރަށް ފުޅާދާއިރާއެއްގައި އެކޮމިޓީގެ ބައްދަލުވުންތަކުގައި ވާހަދެކެވި، ޑޮކްޓަރުންގެ ލަފަޔާއި، ޢިލްމުވެރިން ދައްކަވާ ޙުއްޖަތް ތަކުގެ މައްޗަށް ރިޢާޔަތްކުރެއްވުމަށް ފަހުގައި ކަމަށެވެ.
އެހެންކަމުން އެ ނިންމުންތަކާމެދު ރައްޔިތުންގެ ހިތްތަކުގައި ޝައްކު އުފެދޭ ގޮތަށް ޚަބަރު ނުފެތުރުމަށް މިނިސްޓްރީން އިލްތިމާސްކުރާ ކަމަށް އެ މިނިސްޓަރީއިން ވަނީ ބުނެފައެވެ.
ކޮވިޑް19 އާ ގުޅިގެން އުފެދޭ ފިޤުހީ މައްސަލަތަކުގައި މިނިސްޓަރ ނިންމުންތައް ނިންމަވާފައިވަނީ ރާއްޖޭގެ 30 އަށްވުރެ ގިނަ ޢިލްމުވެރިންގެ މައްޗަށް އެކުލެވޭ ކޮމިޓީއެއް އެކުލަވާލައްވައި ކޮންމެ މައްސަލައެއްގައި ވަރަށް ފުޅާދާއިރާއެއްގައި އެކޮމިޓީގެ ބައްދަލުވުންތަކުގައި ވާހަދެކެވި،
— Ministry of Islamic Affairs (@MVIaffairs) July 3, 2020
ކޯވިޑް-19 އަށް އެޅި ރަށްކާތެރިކަމުގެ ފިޔަވަޅުތަކުގެ ތެރެއިން މިސްކިތްތަކުގައި ޖަމާއަތް ހަދައިގެން ނަމާދު ކުރުން މެދު ކަނޑާލާފައި އޮތް އޮތުން މާލެ ސިޓީގައި ނިމުމަކަށް ގެނައީ ޖުލައި 1 ވަނަ ދުވަހުގެ މަޣުރިބު ނަމާދުން ފެށިގެންނެވެ. އޭގެ ކުރިންވަނީ އަތޮޅުތަކުގެ މިސްކިތްތަކުގައި ޖަމާއަތުގައި ނަމާދު ކުރުމުގެ ހުއްދަ ދީފައެވެ.
މިނިސްޓަރުގެ އެ ނިންމުން ދިފާޢުކުރަށްވައި ބައެއް ޢިލްމްވެރިންވެސް ވަނީ މީސް މީޑިއާގައި ޝުއޫރު ފާޅު ކުރަށްވާފައިއެވެ.
A good number of scholars were consulted on the matter of ceasing Friday prayer for today as a preventive measure against spreading deadly covid19 this was not decided based on votes does Islam allow spreading baseless rumours especially of sensitive religious issues?
— ibrahim Zakariyya Moosa (@MoosaZakariyya) July 3, 2020
ޖުލައި އެއްވަނަ ދުވަހު މާލެ ސިޓީގައި އަލުން މިސްކިތްތަކުގައި ނަމާދު ކުރަން ފެށިނަމަވެސް، މިއަދުގެ ހުކުރު ނަމާދު މާލެ ސިޓީގައި ކޮށްފައެއް ނުވެއެވެ. އެކަމާއި ގުޅިގެން އިއްޔެ އިސްލާމިކް މިނިސްޓްރީއިން ނެރުނު ސާކިއުލާއެއްގައި ބުނީ މިއަދު މާލޭ ސަރަހައްދުގެ މިސްކިތްތަކުގައި ހުކުރު ނުކުރާ ގޮތަށް ނިންމީ އިސްލާމީ ފަތުވާދޭ އެންމެ މަތީ މަޖިލީހާއި ދީނީ އިލްމުވެރިންނާއި ޑޮކްޓަރުންގެ ލަފާގެ މަތިން ރައްކާތެރިކަމުގެ ފިޔަވަޅެއްގެ ގޮތުގައި ކަމަށެވެ.
ބަލިމަޑުކަމެއް ފެތުރެމުންދާ އިރެއްގައި، އިންސާނާގެ ރައްކާތެރިކަމަށްޓަކައި، ޖަމާޢަތުގެ ނަމާދުގައި ގައިދުރުކޮށް ތިބުމަކީ ހުއްދަކަމެކެވެ. އަދި، ޙާލަތައް ރިޢާޔަތްކޮށް އެންމެ މޮޅުގޮތަކީވެސް އެއީއެވެ.
— Muhammad Latheef (@Muhammad_lathyf) July 3, 2020
އިސްލާމިކް މިނިސްޓަރުގެ ނިންމުންތަކާއި މެދު ރައްޔިތުންގެ ހިތްތަކުގައި ޝައްކު އުފެދޭ ގޮތަށް ޚަބަރު ނުފެތުރުމަށް މިނިސްޓްރީން އިލްތިމާސްކުރީ، މިއަދުގެ ހުކުރު ޖަމާއަތް ކެންސަލް ކުރުމާއި ގުޅިގެން އިދިކޮޅު ލީޑު ކުރައްވާ ޕީއެންސީގެ ރައީސް އަބްދުއްރަހީމް އަބްދުﷲ، އިސްލާމިކް މިނިސްޓަރު ޑރ އަހުމަދު ޒާހިރަށް ވަރަށް ބޮޑަށް ފާޑުވިދާޅުވެފައި ވަނިކޮށެވެ.
ކޯވިޑްގެ ބަލިމަޑުކަމާއި ގުޅިގެން މާލެ ސިޓީގައި ހުކުރުގެ ޖަމާއަތް ގާއިމް ނުކުރާތާ 15 ހަފްތާ ވަނީ ވެފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!