ރާއްޖޭގެ ހުރިހާ އަތޮޅަކުން އެސްޓީއޯގެ ރޭޓުގައި ތެޔޮ ލިބޭ ގޮތް ހެދުމުގެ މަޝްރޫޢުގެ ދަށުން އެސްޓީއޯގެ ދަށުން ހިންގާ ތެޔޮ ކުންފުނި ފިއުލް ސަޕްލައި މޯލްޑިވްސް (އެފްއެސްއެމް) އިން ހދ. ހަނިމާދޫގައި ގާއިމުކުރި ފިއުލް ޝެޑުން މިއަދު ތެޔޮވިއްކަންފަށައިފިއެވެ.

މިއަދު ހަނިމާދޫ އެފްއެމް ފިއުލް ޝެޑުން އެސްޓީއޯ ރޭޓްގައި ތެޔޮ ވިއްކަން ފަށާފައިވާއިރު، މި ޝެޑުން ހެނދުނު 10:00 އިން ހަވީރު 17:00 އަށް، އަދި ރޭގަނޑު 20:30 އިން 00:00 އަށް ޚިދުމަތް ދޭނެއެވެ.

Ad
rt

ރާއްޖޭގެ ހުރިހާ އަތޮޅަކުން އެސްޓީއޯގެ ރޭޓުގައި ތެޔޮ ލިބޭ ގޮތް ހެދުމުގެ މަޝްރޫޢުގެ ދަށުން ބޮޑު ތިލަދުންމަތީގެ ތިން ރަށަކުން މި ޚިދުމަތް ދޭން ނިންމާފައިވާއިރު، ހއ. އަތޮޅުން އިހަވަންދޫގައި ގާއިމުކުރި އެފްއެސްއެމް ފިއުލް ޝެޑުން މިދިޔަ ފެބްރުއަރީ މަހުގެ 25 ވަނަ ދުވަހު ވަނީ ޚިދުމަތް ދޭން ފަށާފައެވެ. ހަނިމާދޫ، އިހަވަންދޫގެ އިތުރުން ދެން މި ޚިދުމަތް ގާއިމުކުރާނީ ށ. މިލަންދޫގައެވެ.

އިހަވަންދޫގައި ގާއިމުކުރި އެފްއެސްއެމް ފިއުލް ޝެޑުން ތެޔޮވިއްކަންފަށައިފި

މީގެ ފުރަތަމަ ޝެޑް ހުޅުވާފައި ވަނީ ރ. ދުވާފަރުގައެވެ. އެރަށުގެ ޝެޑުން 13 ޑިސެމްބަރު 2025 އިން ވަނީ ތެޔޮ ވިއްކަން ފަށާފައެވެ.

ދިވެހިރާއްޖޭގެ ކޮންމެ އަތޮޅެއްގައި ތެޔޮ ރައްކާކުރެވޭނޭ ނިޒާމު ޤާއިމުކުރުމުގެ މަޝްރޫޢު ރައީސް ޑރ. މުޙައްމަދު މުޢިއްޒު އިފްތިތާޙްކޮށްދެއްވީ 7 ނޮވެމްބަރު 2024 ގައެވެ.

މި މަޝްރޫޢުގެ އަމާޒަކީ ރާއްޖޭގެ ހުރިހާ އަތޮޅެއްގައި ފިއުލް ސެޓަޕް ޤާއިމުކޮށް، މަސްވެރިންނާއި ޢާންމު ރައްޔިތުންނަށް ތެޔޮ ލިބޭނޭ ނިޒާމު ޤާއިމުކުރުމެވެ.