ދިވެހި ފިލްމީ ދާއިރާގައި މަޝްހޫރު ކުރީގެ ފިލްމް ޑައިރެކްޓަރު އަބްދުލް ފައްތާހުގެ މައްޗަށްކުރެވޭ ކަށުނަމާދު ފަތިސްނަމާދަށްފަހު ދިއްދޫ ހުކުރު މިސްކިތުގައި ބާއްވަން ނިންމައިފިއެވެ.
ދިއްދޫ ކައުންސިލުން މިރޭ ބުނީ ފައްތާހުގެ މައްޗަށް ކުރެވޭ ކަށުނަމާދު މިރޭ ފަތިސްނަމާދަށްފަހު އެރަށު މަސްޖިދުއް ޣުފްރާން (ހުކުރު މިސްކިތް)ގައި އޮންނާނެ ކަމަށެވެ.
އެއަށްފަހު ޖަނާޒާ ބާއްވަން ނިންމާފައި ވަނީ އެރަށު ދެކުނު ސަހަރާގައެވެ.
އުމުރުން 54 އަހަރުގައި ފައްތާހު ނިޔާވީ ހާޓް އެޓޭކެއް ޖެހިގެން ދިއްދޫގައި ހުންނަ ހއ.އަތޮޅު ހޮސްޕިޓަލް ފަރުވާދެމުން ދަނިކޮށެވެ.
ފައްތާހު އަށް ހާޓް އެޓޭކެއް ޖެހިގެން އިމަޖެންސީގައި ފަރުވާ އަށް ހއ. ދިއްދު އަށް ގެންދިޔައީ މިރޭ އިރާކޮޅެވެ.
ކެލަޔަށް ނިސްބަތްވާ ފައްތާހަކީ ދިވެހި ފިލްމީ ދާއިރާގައި އެންމެ ފާހަގަކޮށްލެވޭ އެއް ޑައިރެކްޓަރެވެ. އޭނާ ވަނީ 2004 ވަނަ އަހަރު އާންމު ހިދުމަތުގެ ގައުމީ އިނާމު ހާސިލުކޮށްފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!