ފެން ބިލު ނުދައްކާތިބި ފަރާތްތަކަށް ލުއި ފަސޭހަ ވާނޭހެން، ބިލުގެ ދަރަނި ފިލުވާލެވޭނެ ފަސޭހަ ގޮތްތަކެއް ދައުލަތުގެ ފެން ކުންފުނި އެމްޑަބްލިއުއެސްސީން ހަމަޖައްސައިދީފިއެވެ.
އިއްޔެ ބޭއްވި ނޫސްވެރިންގެ ބައްދަލުވުމެއްގައި ފެން ކުންފުނީގެ މެނޭޖިން ޑިރެކްޓަރު އާދަމް އާޒިމް ވިދާޅުވީ ކަސްޓަމަރުންގެ ފަރާތުން މަހުން މަހަށް ބިލުތަކަށް ފައިސާދެއްކުމަކީ އެ ކުންފުނީގެ ހިދުމަތްތައް ދެމެހެއްޓެނިވި ގޮތެއްގައި ކުރިއަށްގެންދިއުމަށްޓަކައި އެ ކުންފުނިން ވަރަށް ބޮޑަށް ބާރުއަޅާ ކަމެއް ކަމަށެވެ.
“Our goal is to alleviate debt burden for our customers by facilitating a simpler payment strategy, which will ease our customers to systematically pay for surcharges.” @AdamAzim- Managing Director#EkuveriMWSC pic.twitter.com/l03DeFnrEd
— Male' Water and Sewerage Company Pvt. Ltd. (@MWSC_Official) December 26, 2019
ފެން ބިލު ނުދައްކާ ތިބި ކަސްޓަމަރުންނަށް ފެންކުންފުނިން ހުޅުވާލަ ދިން ލުއި ގޮތްތަކުގެ ތެރޭގައި، އަންނަ އަހަރުގެ ޖޫން މަހުގެ 16 ގެ ކުރިން ބިލްތައް ނުދެއްކި ހުރި ފަރާތްތަކުން އެމްޑަބްލިއުއެސްސީއާއި ބައްދަލުކޮށް އެ ފަރާތްތަކުގެ ދަތިތައް އެމްޑަބްލިއުއެސްސީއާ ހިއްސާ ކުރުމުން، ބިލްތައް ދެއްކުމަށް ލުއި ގޮތްތަކެއް ހަމަޖައްސައިދިނުމާއި،
އެ މުއްދަތުގައި ބިލު ދައްކާ ފަރާތްތަކުން ފައިސާ އެއްކޮށް ދައްކައިފިނަމަ ޖޫރިމަނާ ފައިސާ މާފުކޮށްދިނުމާއި، އެ މުއްދަތުގައި 30 އިންސައްތަ ފައިސާ ދައްކައިފިނަމަ ޖޫރިމަނާއިން 30 އިންސައްތަ މާފުކޮށްދިނުން ހިމެނެއެވެ.
“Customers that clear all outstanding consumption charges will receive a 100% surcharge waive-off. If a customer clears 30% of the outstanding consumption charges, we will grant a 30% surcharge waive-off, and the opportunity to pay remaining charges in installment.” MD,@adamazim pic.twitter.com/IhDqv7rIBv
— Male' Water and Sewerage Company Pvt. Ltd. (@MWSC_Official) December 26, 2019
މިކަންކަން ހާމަކުރައްވަމުން އެމްޑަބްލިއުއެސްސީގެ އެމްޑީ އާދަމް އާޒިމް ވިދާޅުވީ އޭރަށް އެއްވެސް ބޭފުޅަކު އެކުންފުންޏަށް ދަރަނިވެފައި ނޯންނާނެ ކަމަށާއި މިއީ ދަރަނި ފިލުވާލަން ލިބިގެންދާނެ ރަނުގެ ފުރުސަތެއް ކަމަށެވެ.
އާޒިމް އިތުރަށް ވިދާޅުވީ ފެން ބިލަށް ފައިސާ ނުދެއްކި ލަސްވާ ހާލަތްތަކުގައި ކޮމްޕައުންޑް އިންޓްރެސްޓްގެ ގޮތުގައި އިތުރު އަދަދުތަކެއް އަރަމުން ދިއުމުން ފައިސާ ދެއްކުމުގައި ކަސްޓަމަރުންނަށް އިތުރު ބުރަތަކެއް އުފުލަން ޖެހޭ ކަމަށެވެ.
އެހެންކަމުން ޖޫރިމަނާ ނަގަމުން އައި އުސޫލު ބަދަލުކޮށް، ކޮމްޕައުންޑް އިންޓްރެސްޓުން ސިމްޕަލް އިންޓްރެސްޓަށް ޖޫރިމަނާ ނަގާ އުސޫލު މިހާރު ބަދަލުކޮށްފައިވާނެ ކަންވެސް އާޒިމް ފާހަގަކުރެއްވިއެވެ.
MWSC encourages customers to utilize this debt leniency policy and installment payment options to clear the surcharges on delayed water utility bill payments. In the meantime, we thank the public for their continuous support and cooperation. #EkuveriMWSC pic.twitter.com/sWXnuEvRzj
— Male' Water and Sewerage Company Pvt. Ltd. (@MWSC_Official) December 26, 2019
އާޒިމް މިއަދު ވިދާޅުވިގޮތުގައި އެއް އަހަރަށްވުރެ ގިނަ ދުވަސް ވަންދެން ފެން ބިލް ނުދައްކާތިބި 1751 ކަސްޓަމަރުން އަދި، ދެމަހަށްވުރެ ގިނަ ދުވަހުގެ ބިލް ނުދައްކާ ތިބި 4492 ކަސްޓަމަރުން އެބަތިއްބެވެ.
އެކުވެރި ފެންކުންފުނިން ދަނީ ރައްޔިތުންނާ ވަރަށްކައިރިން ރައްޔިތުންނަށް ލުއިފަސޭހަކަން ލިބޭނޭހެން ގިނަ މަސައްކަތްތަކެއް ކުރަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!