ވީއައިއޭ އައު ރަންވޭ ރަސްމީކޮށް ހުޅުވައި ބޭނުންކުރަން ފަށައިފި

އެއަރބަސް މަރުކާގެ އެންމެ ބޮޑެތި A380 ބޯޓަށް ވެސް ޖެއްސޭ ފެންވަރަށް ތަރައްގީކޮށްފައިވާ އައު ރަންވޭ ތަރައްގީކުރުމުގެ މަޝްރޫއަށް ގާތްގަނޑަކަށް 373 މިލިއަން ޑޮލަރު ނުވަތަ 5.7 ބިލިއަން ރުފިޔާ ވަނީ ޚަރަދުކޮށްފަ އެވެ. މި ރަންވޭގެ ދިގުމިނުގައި 3،400 މީޓަރު އަދި ފުޅާ މިނުގައި 60 މީޓަރު ހުރެއެވެ.

Vice President @faisalnasym officially inaugurates the new runway developed in @velanaairport. The new Code F runway measures 3,400m by 65m, and features advanced navigational technologies and will increase runway throughput. pic.twitter.com/WokVOqYLFP

— The President's Office (@presidencymv) October 6, 2022

މިއަދު އާ ރަންވޭ ރަސްމީކޮށް ބޭނުންކުރަން ފެށުމަށްޓަކައި ރޭ މެންދަމު 12 އިން ފެށިގެން ކުރީގެ ރަންވޭ ވަނީ ބޭނުންކުރުން ހުއްޓާލާފަ އެވެ. ކުރީގެ ރަންވޭއަށް އެންމެފަހުން ޖައްސާފައިވަނީ ޓާކިޝް އެއާލައިނުގެ ބޯޓެކެވެ. ކުރީގެ ރަންވޭ ބޭނުންކުރުން ހުއްޓާލާފައިމިވަނީ އެ ރަންވޭ ބޭނުންކުރާތާ ގާތްގަނޑަކަށް 60 އަހަރު ފަހުން ނެވެ.

ކުރީގެ ރަންވޭ އެންމެ ފުރަތަމަ އަޅާފައިވަނީ 1966 ވަނަ އަހަރު ރައީސް އިބްރާހީމް ނާސިރުގެ ވެރިކަމުގައެވެ. ދިވެހީންގެ މަސައްކަތުން އޭރު ރަންވޭ ހަދާފައިވަނީ ދަގަނޑުފިލާ ބޭނުންކޮށްގެންނެވެ. ނަމަވެސް ފަހުން މި ރަންވޭއަށް ވަނީ ބޮޑެތި ބަދަލުތަކެއް ގެނެސްފައެވެ. މިހާރު ފެންނަގޮތަށް ތާރު އަޅައިގެން ރަންވޭ ތަރައްގީކޮށްފައި ވަނީ ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގަ އެވެ.