ހއ އިން ގދ އާއި ހަމައަށް ހުދު ސަމާލު!

ހއ އަތޮޅުން ފެށިގެން ގދ އަތޮޅާއި ހަމައަށް ހުދު ސަމާލު ނެރެފިއެވެ.

މޫސުމާއި ބެހޭ ޤައުމީ އިދާރާއިން ކޮށްފައިވާ އިއުލާނެއްގައި ބުނެފައިވަނީ މިރޭ 20:30 އިން ފެށިގެން ދަންވަރު2:30 އާއި ހަމައަށް ބޯކޮށް ވާރޭ ވެހޭނެކަމަށް ލަފާކުރެވޭ ކަމަށެވެ. މީގެ އިތުރުން ގަދަޔަށް ގުގުރާނެ ކަމަށާއި، ވިލާގަނޑުގައި ގަޑިޔަކު40 މޭލަށް ވައިގަދަވާނެކަމަށް ލަފާކުރެވޭ ކަމަށްވެސް މޫސުމާއި ބެހޭ ޤައުމީ އިދާރާއިން ކޮށްފައިވާ އިއުލާނުގައި ބުނެފައިވެއެވެ.

މި ދުވަސްވަރަކީ ރާއްޖޭގެ ހުރިހާ ސަރަހައްދަކަށް ވެސް ވިއްސާރަ ދިވަސްވަރަކަށް ވުމުން، މޫސުމަށް ސަމާލުވުމަކީ މުހިންމު ކަމެކެވެ. އަދި ޚާއްސަކޮށް، ކަނޑު ދަތުރު ފަތުރު ކުރައްވާ ފަރާތްތަކުން، އޮޑީގައި ސަލާމަތީ ހުރިހާ ކަމެއް ރަނގަޅަށް ހުރިތޯ ބެލުން މުހިންމެވެ.