މި މަހުގެ ކަރަންޓު ބިލާއި ފެން ބިލްތަކުން ޑިސްކައުންޓް ލިބޭނެ ކަމަށް ފެނަކައިން ބުނެފިއެވެ.

އެ ކުންފުނިން މިހެން ބުނީ ރޭ ބޭއްވި ނޫސްވެރިންގެ ބައްދަލުވުމުގައި ރާއިސް އިބްރާހިމް މުހައްދަ ސޯލިހު ރާއްޖޭގެ ހުރިހާ ރަށެއްގެ ކަރަންޓު ބިލާއިން ފެން ބިލުންޑިސްކައުންޓު ދޭން ނިންމާފައިވާ ކަމަށް ވިދާޅުވުމުންނެވެ.

Ad
rt

މި ނިންމުމުގެ ދަށުން ފެނަކައިން ހިދުމަތްދޭ ރަށްރަށުގެ ކަރަންޓު ބިލުން މި މަހު 40 އިންސައްތައިގެ ޑިސްކައުންޓެއް ލިބޭނެއެވެ. އަދި ފެން ބިލްތަކުން 30 އިންސައްތައިގެ ޑިސްކަައުންޓް ލިބޭނެއެވެ.

މީގެ އިތުރުން އެ ރަށްރަށުގެ ވިޔަފާރިތަކަށްވެސް ޑިސްކައުންޓް ލިބޭނެއެވެ. އެގޮތުން، ވިޔަފާރިތަކުގެ ކަރަންޓާއި ފެބް ބިލުން 20 އިންސައްތައިގެ ޑިސްކައުންޓެއްދޭން ވަނީ ނިންމައިފައެވެ.

މި ޑިސްކައުންޓުތަކަކީ ކޯވިޑް-19 އިން ރައްކާތެރިވުމަށް މިއަދުން ފެށިގެން އަޅާ ފިޔަވަޅުތަކުގެ ސަބަބުން ވިޔަފާރިވެރިންނަށާއި އާއްމުންނަށް އެހީތެރިވުމަށް ދޭޑިސްކައުންޓެކެވެ.