ޓެކްނިކަލް މައްސަލައަކާއި ގުޅިގެން ބައެއް ސަރުކާރުގެ ޑިޖިޓަލް ޚިދުމަތްތައް ބޭނުންކުރުމުގައި ދަތިތައް ކުރިމަތިވުން އެކަށީގެންވާކަމަށް ނެޝަނަލް ސެންޓަރ ފޯ އިންފޮމޭޝަން ޓެކްނޮލޮޖީ (އެންސީއައިޓީ) އިން ބުނެފިއެވެ.
މި މައްސަލަ ހައްލުކުރުމަށް އެންސީއައިޓީގެ ޓީމުން މަސައްކަތް ކުރަމުން އަންނަކަމަށް އެ އިދާރާއިން ވަނީ ބުނެފައެވެ.
ސަރުކާރުގެ ޑިޖިޓަލް ޚިދުމަތްތައް ހޯދުމުގައި ދިމާވެދާނެ ދަތިތަކަށް އެންސީއައިޓީން ވަނީ މައާފަށް އެދިފައެވެ.
We are currently experiencing technical issues that may affect access to some digital government services. Our team is working diligently to resolve the matter as quickly as possible. We apologize for any inconvenience caused. #mohst @DrKinaa #gemsmv @eFaasmv pic.twitter.com/912cX9rZxY
— National Centre for Information Technology (@ncitmv) January 13, 2025
ދައުލަތުގެ އެކި އޮފީސްތަކުގެ ހިދުމަތްތައް އޮންލައިންކޮށް ފޯރުކޮށްދިނުމަށް ބޭނުންކުރާ އެއް ޚިދުމަތަކީ އީފާސްގެ ޚިދުމަތެވެ. އެ ޕޯޓަލް މެދުވެރިކޮށް 137،000 ވުރެ ގިނަ މީހުން ހިދުމަތައް ހޯދާފައިވާ ކަމަށް މިދިޔަ އަހަރު ޓެކްނޮލޮޖީ މިނިސްޓްރީން ވަނީ ބުނެފައެވެ. މި ޕޯޓަލް ބަލަހައްޓަމުން އަންނަނީ އެންސީއައިޓީންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!