މާލޭގެ ގެއެއްގައި އަލިފާނުގެ ހާދިސާއެއް

މާލޭގެ ގެއެއްގައި އަލިފާނުގެ ހާދިސާއެއް ހިނގައިގެން ސިފައިން ހަރަކާތްތެރިވާން ފަށައިފިއެވެ.

އެމްއެންޑީއެފުން ބުނީ، މާލޭގެ މައްޗަންގޯޅީގައި ހުންނަ ގެއްގައި އަލިފާނުގެ ހާދިސާއެއް ހިނގައިގެން ސިފައިން ހަރަކާތްތެރިވަމުން އަންނަ ކަމަށެވެ.

މި ހާދިސާ ހިނގާފައި ވަނީ މއ. އޮލިވީނާގޭގެ ތިންވަނަ ފަންގިފިލާގައެވެ. އެހެންވެ މިތަނުގައި ރޯވި އަލިފާން ނިއްވުމުގައި އެމްއެންޑީއެފް ފަޔަރ އެންޑް ރެސްކިޔު ސަރވިސްއިން މިހާރު އަންނަނީ ހަރަކާތްތެރިވަމުންނެވެ.

މި ހާދިސާގެ ހިނގައިގެން ހަރަކަތްތެރިވާން ފަށާފައިވާ ކަމަށް އެމްއެންޑީއެފުން ބުނީ މެންދުރުފަހު 1:40 ހާއިރުއެވެ.

މއ.އޮލިވީނާގޭގެ ތިންވަނަ ފަންގިފިލާގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ނިއްވާލެވިފައިވާކަމަށް 2:17 ހާއިރު އެ އިދާރާއިން ވަނީ ބުނެފައެވެ.

މިހާދިސާގައި މީހަކަށް އަނިޔާވިކަމެއް ނުވަތަ ލިބުނު ގެއްލުމުގެ ތަފްސީލެއް އަދި ނުލިބެއެވެ.