ލެބޯޓަރީގެ ޚިދުމަތް ހއ. ތަކަންދޫގައި ފަށައިފި އެވެ.

މިއަދު ހަވީރު ތަކަންދޫ ސިއްހީ މަރުކަޒުގައި ބޭއްވި ރަސްމިއްޔާތެއްގައި މިލެބޯޓަރީ ހުޅުވައިދެއްވީ ރައީސް އޮފީހުގެ މިނިސްޓަރު މުހައްމަދު ޝިފާޒެވެ. މިރަސްމިއްޔާތުގައި ބާރަށުދާއިރާގެ މެންބަރ އަޙްމަދު އަބްދުﷲ ވެސްވަނީ ބައިވެރިވެފައެވެ.

Ad
rt

ލެބޯޓަރީގެ ޚިދުމަތް ފެށުމާއެކު އާންމުކޮށް އެފަދަ ލެބޯޓަރީތަކުން ހެދޭ ޓެސްޓްތައް ތަކަންދޫ ހެދޭނެ ކަމަށާއި އެގޮތުން ލޭގެ ޓެސްޓްތަކާއި ޔޫރީން އަދި ކޮލެސްޓްރޯލް ޓެސްޓްތައް ހެދޭނެ ކަމަށް މަޢުލޫމާތު ލިބިފައިވެއެވެ.

ތަކަންދޫގައި ލެބޯޓަރީގެ ޚިދުމަތް ފެށީ އެ ރަށުގައި ސިއްހީ މަރުކަޒެއްގެ ހިދުމަތް ފެށިތާ 15 އަހަރު ފަހުންނެވެ. މީގެ ކުރިން ތަކަންދޫގެ ރައްޔިތުން އެފަދަ ޓެސްޓްތައް ހަދަން ދާނީ ދިއްދޫ އާއި ހދ. ކުޅުދުއްފުއްޓަށެވެ.