ހިނގާ ބިނގާވެ އުޅުން ދަތިވެފައިވާ 60 މީހަކަށް ބީއެމްއެލް އިން ވީލްޗެއަރ ހަދިޔާ ކޮށްފިއެވެ.
ހިނގާ ބިނގާވެ އުޅުމަށް ދަތި ފަރާތްތަކަށް ވީލްޗެއާ ހަދިޔާކުރީ ބީއެމްއެލްގެ އަހަރެންގެ ބޭންކް ޕްރޮގްރާމުގެ ދަށުންނެވެ. އެގޮތުން މިއަހަރު 60 މީހަކަށް ބީއެމްއެލް އިން ވަނީ ވީލްޗެއާ ހަދިޔާ ކޮށްފައެވެ. މިދިޔަ އަހަރު ބީއެމްއެލް އިން ވަނީ ހާއްސަ އެހީއަށް ބޭނުންވާ 76 ފަރާތަކަށް ވީލްޗެއާ ހަދިޔާކޮށްފައެވެ.
ވީލް ޗެއާ ހަދިޔާކުރުމުގެ ޕްރޮގްރާމާ ގުޅޭ ގޮތުން ބީއެމްއެލްގެ ސީއީއޯ އަދި މެނޭޖިންގް ޑިރެކްޓަރު ޓިމް ސޯޔާ ވިދާޅުވީ މުޖުތަމައަށް އެހީތެރިކަން ފޯރުކޮށްދިނުމަށް ބީއެމްއެލް އިން އަބަދު ވެސް ވަރަށް އިސްކަންދޭ ކަމަށެވެ.
This year we donated 60 motorised wheelchairs to individuals with disabilities across the country. This brings the total to 76 wheelchairs donated since 2017. It has been truly inspiring to be a part of this initiative. #AharengeBankhttps://t.co/cVLL9UwjAD pic.twitter.com/Y4Rc3z0Ll4
— Bank of Maldives (@bankofmaldives) October 7, 2019
ބީއެމްއެލް އިން އަބަދުވެސް މުޖުތަމައަށް އެހީތެރިވުމަށް ހިންގާ ޕްރޮގްރާމް މެދުވެރިކޮށް ރާއްޖޭގެ އެކި ކަންކޮޅުތަކުގައި ތައުލީމާއި ކުޅިވަރާއި އަދި ތިމާވެށީގެ ހަރަކާތްތަކުގެ އިތުރުން ހިލޭ ސާބަހަށް މަސައްކަތްކުރާ ޖަމިއްޔާތަކުން ހިންގާ ހަރަކާތްތަކަށް އެހީވެދެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!