މިނިސްޓަރު عبد الله ގެ މަންމާފުޅު އަވަހާރަވެއްޖެ، ރައީސްގެ ތައުޒިޔާ

މިނިސްޓަރ އެޓް ދަ ޕްރެޒިޑެންޓްސް އޮފީސް، ޢަބްދުﷲ ނާޞިރުގެ މަންމާފުޅު ޝަރީފާ މުޙައްމަދު، މ.ދިލޭރާމްގެ/މާލެ އަވަހާރަވެއްޖެއެވެ.

މިނިސްޓަރު ޢަބުދުﷲ ނާޞިރު މަންމާފުޅު އަވަހާރަވުމާއި ގުޅިގެން ރައީސް ޑރ. މުޙައްމަދު މުޢިއްޒު މީސްމީޑިއާގައި ކުރެއްވި ޕޯސްޓެއްގައި ވިދާޅުވީ، އެ ޚަބަރު އަޑުއެއްސެވީ ފުން ހިތާމައާއިއެކުގައި ކަމަށެވެ. އަދި ރައީސް ވަނީ ތަޢުޒިޔާ ދަންނަވައި، ކެތްތެރިކަން މިންވަރުކޮށްދެއްވުން އެދި ދުޢާކުރަށްވާފައެވެ.

ޝަރީފާ މުޙައްމަދު، މ.ދިލޭރާމްގެ/މާލެ އަކީ ޢަބްދުﷲ ނާޞިރުގެ އިތުރުން ފަންޑް މެނޭޖްމަންޓް ކޯޕަރޭޝަންގެ މެނޭޖިންގ ޑިރެކްޓަރ އަހްމަދު ނާޒިމް (ހެރިންސް އައްމަޑޭ)ގެ ވެސް މަންމާފުޅެވެ.

إِنَّا لِلّهِ وَإِنَّـا إِلَيْهِ رَاجِعونَ

މިނިސްޓަރ އެޓް ދަ ޕްރެޒިޑެންޓްސް އޮފީސް، ޢަބްދުﷲ ނާޞިރުގެ ލޮބުވެތި މަންމާފުޅު، ޝަރީފާ މުޙައްމަދު އަވަހާރަވި ޚަބަރު އަޅުގަނޑު އަޑުއެހީ ފުން ހިތާމައާއެކު. އެ ޢާއިލާއަށް ތަޢުޒިޔާ ދަންނަވައި، ކެތްތެރިކަން މިންވަރުކޮށްދެއްވުން އެދި… pic.twitter.com/VhDC6hGvpC

— Dr Mohamed Muizzu (@MMuizzu) November 21, 2025

ޝަރީފާ މުހައްމަދު އަވަހާރަވީ އުމުރުފުޅުން 83 އަހަރުގައެވެ.

ޝަރީފާ މުހައްމަދުގެ މައްޗަށް ކުރެވޭ ކަށުނަމާދު ބާއްވަން ހަމަޖައްސާފައި ވަނީ މިއަދު މަޣްރިބް ނަމާދަށްފަހު އިސްލާމީ މަރުކަޒުގައެވެ. އަދި މޫނު ދެއްކުން ވެސް ކުރިއަށް ދާނީ އިސްލާމީ މަރުކަޒުގައެވެ.