ރާއްޖޭގެ ގައުމީ އެއާލައިން، މޯލްޑިވިއަން އިން އައްޑޫ އަށް ދަތުރުތައް ފެށުމަށް ހަމަޖެހިއްޖެއެވެ.
މޯލްޑިވިއަން އިން ބުނީ، އަންނަ އާދިއްތަ ދުވަހު އައްޑޫއިން ހުވަދޫ އަށް ދަތުރުތައް ފަށާނެ ކަމަށެވެ. މި ދަތުރު ތަކުގެ އިތުރު ތަފްސީލެއް އެ ކުންފުނިން އަދި ނުދޭ ނަމަވެސް އައްޑޫ މަގު ހެދުމުގެ މަސައްކަތް ހަވާލު ކުރަން އައްޑޫ ސިޓީ ކައުންސިލްގައި ބޭއްވި ރަސްމިއްޔާތުގައި އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެފައިވާ ގޮތުގައި އާދިއްތަ ދުވަހުން ފެށިގެން މޯލްޑިވިއަން އިން ހުވަދު އަތޮޅާއި އައްޑޫއާ ދެމެދު ހަފްތާ އަކު ހަ ފްލައިޓް ބާއްވަން ފަށާނެ ކަމަށެވެ.
ފައްޔާޒު ވިދާޅުވީ އޭޕްރީލް މަހުން ފެށިގެން އައްޑޫއާ ހުވަދޫއާ ދެމެދު ކުރާ ދަތުރުތަކުގެ ޝެޑިއުލްތައް ގަން އިންޓަނޭޝަަނަލް އެއާޕޯޓަށް ޖައްސާ ސްރީލަންކަން އެއާލައިންސްގެ ޝެޑިއުލްއާ ދިމާކުރެވޭ ގޮތަކަށް ހަމަޖެއްސުމަށް މަސައްކަތް ކުރަމުންދާ ކަމަށެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!