ސިޙްރެއް އަހަރެންނަށް ފެނިއްޖެއެވެ. ފަހެ، އަހަރެން އެއަށް ހަދާނީ ކިހިނެތްހެއްޔެވެ؟
ސިޙްރުގެ ވަރަށްގިނަވައްތަރުތައްވެއެވެ:
1- ފަހެ، ސިޙްރަކީ ކައިފައި ނުވަތަ ބޮއިފައިވާ އެއްޗެއް ނަމަ ފަހެ، އެއެއްޗެއް ( ހުރިތަނަކުން ) ހުސްކުރެވުމުން ﷲގެ އިޛްނަފުޅާލައިގެން އޭގެ ނުރައްކާތެރިކަން ފިލައިގެންދާނެއެވެ.
ފަހެ، ސިޙްރުޖެހިފައިވާ މީހާގެ ގައިން ސިޙްރު ހުސްވުމުން އޭނާއަށްވާ އުނދަގޫތައް ﷲގެ އިޛްނަފުޅާލައިގެން ފިލައިގެންދާނެއެވެ. އަދި ކައިފައި ނުވަތަ ބޮއިފައިވާ ސިޙްރު ދެދޮރުންކުރެ ދޮރަކުން ނުކުމެދާނެއެވެ. ފަހެ، (އޭރުން) ﷲ ފަޟްލުވަންތަކަމުން ބަލިމީހާއަށް ޝިފާލިބޭނެއެވެ.
2- އަދި ސިޙްރު ލިޔެފައިވަނީ ކަރުދާސް ގަނޑެއްގައި ނަމަ ފަހެ، އެލިޔެފައިވާ ކަރުދާސް ގަނޑު ފެންތައްޓެއްގެ ތެރެއަށްލާށެވެ. އެއީ އެކަރުދާސްކޮޅުގައި ލިޔެފައިވާ އެއްޗެއްގެ އަޘަރު ފިލައިދިއުމަށް ދާންދެނެވެ.
އެއަށްފަހު އެކަރުދާސްކޮޅު ވީދާލުމަށްފަހު ކޮންމެތަނަކަށް ނަމަވެސް އެއްލާލާށެވެ. އަދި އެފެން ކޮންމެތަނަކަށް ނަމަވެސް އުނކާލާށެވެ.
3- އަދި ސިޙްރުހަދާފައިވަނީ ގޮށްޖަހައިގެން ކަމުގައިވަނީނަމަ، ފަހެ، ހަމަކަށަވަރުން ގޮށް މޮހުންވެއެވެ. އަދި ކޮންމެ ގޮށެއް މޮހާއިރު އެއަށް " އަލް މުޢައްވިޛަތައިނި " ( ފަލަޤި އަދި ނާސި ސޫރަތް ) ކިޔަވައި އަދި އެއަށް ތުބުން ފުމުންވެއެވެ. އަދި ހުރިހާ ގޮށްތަކެއް މޮހާނިމުމުން ގޮށްޖަހާފައިވާ ފަށް ބުރިބުރި ކޮށްލުންވެއެވެ.
އެއަށްފަހު އެ ކޮންމެތާކަށް ނަމަވެސް އެއްލާލާށެވެ.
ސިޙްރުގެ އެއްވެސްއެއްޗެއް އަލިފާނުން އަންދައިގެން ނުވާނެއެވެ.
