ހއ. ކެލާ އިން ރުއް ނަގައި ބޭރުކުރުން ހުއްޓުވާފައިވާ ކަމަށް އެންވަޔަރަމެންޓް ޕްރޮޓެކްޝަން އޭޖެންސީ (އީޕީއޭ) އިން މިއަދު ބުނެފި އެވެ.
މިއަދު އެންވަޔަރެމެންޓް މިނިސްޓްރީއިން ބޭއްވި ނޫސްވެރިންގެ ބައްދަލުވުމެއްގައި އެ މިނިސްޓްރީގެ ސްޓޭޓް މިނިސްޓަރު ޑރ. އަލީ ނަސީރު ވިދާޅުވީ، ރުއްގަސް ނަގަނީ ގާނޫނީ އިމުގެ ތެރެއިންތޯ މިނިސްޓްރީއާއި އީޕީއޭއިން ކަށަވަރު ކުރާ ކަމަށެވެ.
މިހާރު ރުއްގަސް ނަގަމުންދާ ތަންތަނަށް ބަލާއިރު، ކެލާގައި ރުއްގަސް ނެގުމުގައި މައްސަލަތަކެއް އުޅޭކަން ފާހަގަވެގެން އެކަން އީޕީއޭއިން އެކަން ހުއްޓުވާފައިވާ ކަމަށް ޑރ. ނަސީރު ވިދާޅުވިއެވެ.
އެންވަޔަރަމެންޓް މިނިސްޓްރީ އާއި އީޕީއޭ އިން ބޭއްވި ނޫސްވެރިންގެ ބައްދަލުވުމުގައި އެ ދެ ތަނުން ވެސް ބުނީ ކެލާ އިން ރުއް ނެގުން ހުއްޓުވާފައިވާ ކަމަށެވެ. އެއީ، އީޕީއޭ އިން ހުއްދަތައް ނުހޯދައި ރުއްތައް ނެގުމުން ކަމަށް އެތަނުން ބުންޏެވެ.
އީޕީއޭގެ އެސިސްޓެންޓް ޑިރެކްޓާ ޖެނެރަލް ޑރ. އިބްރާހިމް މުހައްމަދު ވިދާޅުވީ ކެލާ އިން ރުއްގަސް ނަގަމުންދާ މައްސަލަ އެ އޭޖެންސީ އަށް ރިޕޯޓްކުރީ މިދިޔަ ހަފުތާގައި ކަމަށެވެ. ގިނަ އަދަދަކަށް ރުއް ނެގީ ކެލާ އިން އަލަށް ގޯތި ދޫކުރި ސަރަހައްދުންނެވެ.
"އަޅުގަނޑުމެން [ކެލާ] ކައުންސިލަށް ގުޅާ، އެ މަސައްކަތް ހުއްޓާލައި އަޅުގަނޑުމެންގެ ފަރާތުން ނަގަންޖެހޭ ހުއްދައެއް ނަގައިގެން ކުރިއަށް ގެންދަން ސިޓީބިޓީ ބަދަލުކުރެވިފައި ވަނީ،" އޭނާ ވިދާޅުވި އެވެ.
މިއަދުގެ ނޫސްވެރިންގެ ބައްދަލުވުމުގައި ޑރ. ނަސީރު ވިދާޅުވީ، ރުއްގަސް ނަގައިގެން ގެންދިޔުމަށް ފަހު ދެން ރުކަށް ވާ ގޮތް ބަލަން އުނދަގޫ ކަމަށެވެ.
HA.Baarah is being decimated as we speak. As per reports 600-800 palm trees are to be uprooted & transferred to artificial islands in Male' Atoll linked to MMPRC corruption scandal.
Call on @presidencymv @ibusolih to be genuine about #ZeroTolerance on corruption.@DrHussainHassan pic.twitter.com/CISPHpbSbm— Adam Abdulla (@edzyadam) October 5, 2019
އަދި އެއްތަނު އަނެއް ތަނަށް ރުއްގަސް ގެންދާ ކަމުގެ ރިޕޯޓު ލިބިއްޖެ ނަމަ އެކަމެއް ނުބަލައި ދޫކޮށްނުލާނެ ކަމުގެ ޔަގީންކަން ޑރ. ނަސީރު ދެއްވިއެވެ.
"އަޅުގަނޑުމެން ހުއްދަދޭ ރަށްތަކުގައި އެންމެ މަދުވެގެން ނެގޭ ރުއްތަކުގެ 20 އިންސައްތަ އިންދަން ޖެހޭނެ،" ޑރ. ނަސީރު ވިދާޅުވިއެވެ.
ރުއްގަސް ކެނޑުމާއި، އުފުރުމާއި، ކޮނެގެން ނެގުން އަދި އެއްރަށުން އަނެއް ރަށަށް ގެންދިއުމާ ގުޅޭގޮތުން ބޭއްވި ޕްރެސް ކޮންފަރެންސް pic.twitter.com/4Ey7yqUAy1
— Min. of Environment, Climate Change and Technology (@MoEnvmv) October 6, 2019
އީޕީއޭގެ ޑިރެކްޓާ ޖެނެރަލް ޑރ. އިބްރާހިމް މުހައްމަދު ވިދާޅުވީ، ނަގާ ކޮންމެ ރުކަކަށް އިންދަން ޖެހޭ ރުއްގަސް އިންދާތޯ އީޕީއޭއިން ބަލާ ކަަމަށެވެ. އެގޮތުން، ރުއްގަސް ނަގަން އީޕީއޭއިން ހުއްދަ ދިން ތިން ރަށެއްގައި، ނެގި ކޮންމެ ރުކަކަށް ދެ ރުއް އިންދައި، އެކަމުގެ ހެކި އީޕީއޭއަށް ހުށަހަޅާފައިވާ ކަމަށް އޭނާ ވިދާޅުވިއެވެ.
Ruh gas himayah kurumuge gavaidh gasthuga @EPAMaldives in laskurany resort thah fehi kurumah. Mikamuga corruption himeney. @MoEnvmv @DrHussainHassan. Rayyithun nukume mikan huttuvaa. #MVTreeGrab @SaveMaldivesMV @Greenpeace @FoEint @WFP @UNEnvironment @UNFCCC @TransparencyMV pic.twitter.com/Wcq67WTPox
— forme (@fourmea) October 6, 2019
"އަޅުގަނޑުމެންވެސް މިދަނީ އަޅުގަނޑުމެންގެ ފަރާތުން ކުރަން ޖެހޭ ކަންތައްތައް ކުރަމުން. އަޅުގަނޑުމެން ހުއްދަދޭ އިތުރު ރަށްތަކުގައިވެސް އަޅުގަނޑުމެން ދޭ ހުއްދައާ އެއްގޮތަށް ރުއްތައް އިންދާތޯ، ނަގާ ކޮންމެ ރުކަކަށް ދެ ރުއް އިންދާތޯ އަޅުގަނޑުމެން ދާނީ ބަލަމުން މޮނިޓާ ކުރަމުން،" ޑރ. އިބްރާހިމް ވިދާޅުވިއެވެ.
— Min. of Environment, Climate Change and Technology (@MoEnvmv) October 6, 2019
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!