މިދިޔަ އޯލެވެލް އިމްތިހާނުގައި ކެމިސްޓްރީން އޭ* ހޯދި އުމުރުން 10 އަހަރުގެ ރަޔާން ރިޔާޒް އަށް ފުލުހުންގެ ލެބަށް ދިއުމުގެ ފުރުސަތު ލިބިއްޖެއެވެ.
ރަޔާން އަށް ލިބުނު ކާމިޔާބީ ފާހަގަކޮށް ފުލުހުންގެ ފޮރެންސިކް ލެބޯޓްރީއަށް އޭނާ ގެންގޮސް، އެތަނުގައި މަސައްކަތްކޮށްލުމުގެ ފުރުސަތު ވެސް އޭނާ އަށް ވަނީ ދީފައެވެ.
އަދި އޭނާ އަށް ލިބުނު ކާމިޔާބީ ފާހަގަކޮށް ފުލުހުންގެ ފަރާތުން އޭނާއަށް ހަނދާނީ ފިލައެއް ވެސް އަރުވާފައިވެއެވެ.
ފުލުހުންގެ މަރުހަބާގެ މެސެޖުގައި ބުނީ "ބޯއި ޖީނިއަސް ރަޔާން އަށް މަރުހަބާ" ކަމަށެވެ. އަދި އޭނާގެ ނަތީޖާއިން އޭނާ މުޅި ގައުމު ފަހުރުވެރިކޮށްފައިވާ ކަމަށާއި، ކުރިއަށް އޮތް ތަނުގައި ވެސް ކާމިޔާބީ އަށް އެދޭ ކަމަށް ބުނެފައިވެއެވެ.
އުމުރުން 10 އަހަރުގެ ރަޔާން އަކީ އޯޓިޒަމް ހުންނަ ކުއްޖެކެވެ. އޭނާ ކެމިސްޓްރީ އަށް ހުރި ޝައުގު ފާހަގަވެގެންދިޔައީ، އޭނާގެ މަންމަ އައިޝަތު ޔުމްނާ އަށެވެ.
We were delighted to welcome boy genius, Rayan to MPS. Rayan had a tour of our forensic labs and also got to 'work' with our forensic experts!
This 10 year old has made us all proud by achieving an impressive A* in Chemistry in the IGCSE examinations of 2021. Keep going Rayan. pic.twitter.com/F4vNGJxVfO
— Maldives Police (@PoliceMv) August 20, 2021
ޔުމްނާ އަކީ ސްކޫލުގައި އެ މާއްދާ ކިޔަވާދޭ މުދައްރިސެއް ވެސް މެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!