އިކްރާމް ނަންގެންދެވުމުން ވާދަވެރިކަމެއްނެތި އަދާލަތުގެ ރައީސްކަން ޝައިޚް ޝިފާނަށް

އަދާލަތު ޕާޓީގެ އާ ރައީސަކަށް ޝައިޚް މުޙައްމަދު ޝިފާން އަދި ނައިބު ރައީސަކަށް ޝައިޚް ޢަބްދުﷲ ރަޝީދު އިންތިޚާބުވެއްޖެއެވެ.

މި އިންތިޚާބު ބާއްވާފައިވަނީ އެ ޕާޓީގެ ކުރީގެ ރައީސް އިމްރާން ޢަބްދުﷲގެ ދައުރު ހަމަވުމާ ގުޅިގެންނެވެ.

އަދާލަތު ޕާޓީން މަޢުލޫމާތު ދީފައިވާ ގޮތުގައި، ޝައިޚް ޝިފާން މި އިންތިޚާބު ކާމިޔާބު ކުރެއްވީ ވޯޓުލީ މީހުންގެ 99 އިންސައްތަ ތާއީދާއެކުގައެވެ. މި އިންތިޚާބުގައި ވޯޓުލުމުގެ ޙައްޤު ލިބިފައިވާ މީހުންގެ ތެރެއިން ވޯޓުލާފައިވަނީ 22 އިންސައްތަ މީހުންނެވެ.

މިފަހަރުގެ އިންތިޚާބު ކުރިއަށް ގެންގޮސްފައިވަނީ ޓެކްނޮލޮޖީގެ އެހީގައި 'ފަހި ވޯޓު' އެޕްލިކޭޝަން މެދުވެރިކޮށް އޮންލައިންކޮށްކަމަށް އަދާލަތުން ބުނެއެވެ.

މި އިންތިޚާބުގެ ކަންކަން ކުރިއަށްދިޔަ ގޮތާ މެދު ބައެއް ފަރާތްތަކުން ވަނީ ހިތްހަމަނުޖެހުން ފާޅުކޮށްފައެވެ. އެގޮތުން، މި އިންތިޚާބުގައި ވާދަކުރެއްވި އިކްރާމް ޢަބްދުއްސައްތާރު ވަނީ އޮންލައިންކޮށް ވޯޓުލާން ނިންމުމާ ގުޅިގެން އިންތިޚާބު ބޮއިކޮޓް ކުރައްވާފައެވެ. އިކްރާމް ވަނީ އަދާލަތު ޕާޓީގެ ރައީސަކު ހޮވުމަށް ބާއްވާ އިންތިހާބުގައި ހަމަޔާއި އިންސާފުގެ މަގުން ބޭރުވެ، ހުދުމުހުތާރު ނިޒާމަކަށް މަގުފަހިވާގޮތަށް ޙީލަތްތެރި ރޭވުންތަކެއް ރާވަމުންދާ ކަމަށް ތުހުމަތުކުރަށްވާފައެވެ.

އިކްރާމްގެ ކެމްޕެއިން އޮފީހުން ނެރުނު ނޫސްބަޔާނެއްގައި ބުނެފައިވަނީ، އިންތިޚާބާ ގުޅިގެން ހުރިހާ ކަމެއް ކުރަމުން ދިޔައީ ދެފުށްފެންނަ ޢަދުލު އިންސާފުގެ އުސޫލުތަކާ ޚިލާފަށް ކަމަށެވެ. އަދި ޚުދުމުހުތާރު ނިޒާމަކަށް މަގުފަހިވާ ގޮތަށް ކޮންމެ ގޮތެއް ހަދައިގެން ވެސް އިންތިޚާބުން ބޭނުންވާ ނަތީޖާ ނެރެން ރާވާފައިވާކަން ކަށަވަރުވެފައިވާ ކަމަށް ތުހުމަތުކުރަށްވާފަވެއެވެ.

އިކްރާމް އިންތިޚާބު ބޮއިކޮޓްކުރެއްވުން