ރާއްޖޭގެ ބައެއް ރަށްތަކަށް މިރޭ އުދައެރުމުގެ ފުރުޞަތު އެބައޮތް ކަމަށް މޫސުމާ ބެހޭ އިދާރާއިން ހާމަކޮށްފިއެވެ.

މިރޭ ފަތިހު 05:00 ޖެހުމާއި ހަމަޔަށް ހުދު އެލާޓު ނެރެފައިވާއިރު އުދަ އެރުމުގެ ފުރުޞަތު އޮތް ކަމަށް ލަފާކޮށްފައިވަނީ މިރޭ 12:30 އާއި ފަތިހު 4:00 ޖެހުމާއި ހަމައަށެވެ.

Ad
rt

މޫސުން ބޮޑަށް ގޯސްވާނެ ކަމަށް ލަފާކޮށްފައިވަނީ ހއ އަތޮޅުން އައްޑޫ ސިޓީ އާއި ހަމައަށެވެ. މިހިސާބަށް ގުގުރުމާއިއެކު ބޯކޮށް ވާރޭ ވެހޭނެ ކަމަށް ލަފާކޮށްފައިވާއިރު ވިލާ ގަނޑުގައި ގަޑިއަކު 40 މޭލު ބާރު މިނުގައި ވައިޖެހޭނެ ކަމަށް މެޓް އޮފީހުން ހާމަކޮށްފައި ވެއެވެ.

މެޓު އޮފީހުން ދެންމެ ނެރުއްވި ބަޔާނެއްގައި ބުނެފައިވަނީ ރާއްޖެއަށް މިހާރު ކުރަމުން މިދާ ވިއްސާރައަކީ ސްރީލަންކާ އާއި ރައްޖެއާއި ދެމެދު އުފެދިފައިވާ ކޮޅިގަނޑެއްގެ ސަބަބުން ކުރަމުންދާ ވިއްސާރައެއް ކަމަށެވެ.