ކޯވިޑް19 އާއި ގުޅިގެން ސަޢުދީ ޢަރަބިއްޔާގައި، ހިންގާފައިވާ ކާފިއު އަށް ލުއިތަކެއް ދިނުމަށް އެގައުމުގެ ސަރުކާރުން ނިންމައިފިއެވެ.
ކޯވިޑް19 އާއި ގުޅިގެން ސައުދީ އަރަބިއްޔާ ފުރަބަންދުކޮށްފައި އޮތް އޮތުމަށް ލުއިތަކެއް ދިނުމަށް ނިންމާފައިވަނީ މޭމަހުގެ 28 އިން މޭމަހުގެ 30 ވަނަ ދުވަހުގެ ތެރޭގައި 3 ފިޔަވައްސަކަށް ބަހާލައިގެންނެވެ.
ކޮރޯނާވައިރަސްގެ ސަބަބުން ދުނިޔެއަށް ކުރިމަތިވި ގޮންޖެހުންތަކާއި އެކުއެންމެ ބޮޑު ގެއްލުން ތަކެއްވީ ގައުމުތަކުގެ ތެރޭގައި ސައުދީ ހިމެނެއެވެ. ފުރަބަނދާއިއެކު އެގައުމުގެ ފަތުރުވެރިކަން އެކީ ހުއްޓި ތެލުގެ އަގު ރެކޯޑް މިންވަރަކަށް ދައްވުމާއި އެކު އެގައުމުގެ އިޤްތިޞާދަށް ވަނީ ބޮޑު ހީނަރުކަމެއް ކުރިމަތިވެފައެވެ.
ފޭސް1 :28 މޭ 2020 - 30 މޭ 2020
- މައްކާ ފިޔަވާ އެހެން ސިޓީ ތަކުގައި ހެނދުނު 6 ކުން ފެށިގެން މެންދުރު 3 ޖަހަންދެން ހުޅުވާލާގޮތަށް ވަނީ ނިންމާފައެވެ. ނަމަވެސް މައްކާގައި24 ގަޑިއިރު ކާފިއު ކުރިއަށް ދާނެއެވެ.
- މިގަޑިތަކުގައި އެއްސިޓީއިން އަނެއްސިޓީއަށް ދިއުމުގެ ހުއްދަ ދީފައިވަނީ ހަމައެކަނި ޕްރައިވެޓް ކާރުތަކަށެވެ.
- ބަޔެއް ޝޮޕިން މޯލް ތަކާއި ހޯލްސޭލް އަދި ރީޓެއިލް ފިހާރަތަކަށް ހުޅޫވުމުގެ ހުއްދަވަނީ ދީފައެވެ. ނަމަވެސް ސެލޫން ތަކާއި ކުޅިވަރު ކުޅޭ ތަންތަނާއި ސިނަމާތައް ހުޅުވުމުގެ ހުއްދަ ދީފައެއް ނުވެއެވެ.
ފޭސް2 :31 މޭ 2020 - 20 ޖޫން 2020
- މައްކާގެ މިސްކިތްތައް ފިޔަވާ އެހެން ސިޓީ ތަކުގައި ނަމާދުކުރުމުގެ ހުއްދަ ދިނުން
- މައްކާ ފިޔަވާ އެހެން ސިޓީތަކުގައި ހިންގާފައިވާ ކާފިއުގެ ވަގުތު ހެނދުނު 6 ކުން ރޭގަނޑު8 ކަށް އިތުރު ކުރުން
- 31 މޭގައި ސަރުކާރު އޮފީސްތައް ހުޅުވުން
- ސެލޫން ތަކާއި ކުޅިވަރު ކުޅޭ ތަންތަނާއި ސިނަމާތައް ފިޔަވާ އެހެން ހުރިހާ ވިޔަފާރިއެއް ހުޅުވުމުގެ ހުއްދަ ދިނުން
- ޑޮމެސްޓިކް ފްލައިޓްތައް ފެށޫމުގެ ހުއްދަ ދިނުން
- އެއްސިޓީއިން އަނެއްސިޓީއަށް ދިއުމުގެ ހުއްދަ ޕްރައިވެޓް ކާރުތައް ފިޔަވާ އެހެން ވެހިކަލް ތަކަށްވެސް ދިނުން
- ގައިދުރު ކުރުމުގެ ސަރުތު ތަކާއި އެކު ރެސްޓޯރެންޓް ތަކާއި ކެފޭތައް ހުޅުވުމުގެ ހުއްދަ ދިނުން
ފޭސް3: ޖޫން 21 ފެށިގެން
- ކޮރޯނާ ވައިރަސްއާއި ގުޅިގެން އެގައުމުން އަޅާފައިވާ ފިޔަވަޅުތައް އެކީ އުވާލާ އާންމު ހާލަތަކަށް ގައުމުގެނައުން
- އުމްރާ ކުރުމުގެ ހުއްދަ ވަކި ގޮތެއް އަންގަންދެއް މެދުކަނޑާލާފައި ބޭއްވުން
- ވަކި ގޮތެއް ނިންމަންދެން އިޓްރނޭޝަނަލް ފްލައިޓްތައް މެދުކަނޑާލާފައި ބޭއްވުން
ސައުދީ ސަރުކާރުން މިއަދު މިކަންކަން އިޢުލާން ކުރިއިރު އެގައުމަކީ 15 ވަނައަށް އެންމެ ގިނަމީހުން ކޯވިޑް19 އަށް ޕޮޒިޓިވްވެފައިވާ ގައުމެވެ. މިއަދުގެ ނިޔަލަށް އެގައުމުގައި 74،795 މީހުންނަށް ވަނީ މިބަލި ޖެހިފައެވެ. 399 މީހުން މަރުވެފައިވާއިރު ބަލިން ރަނގަޅުވެފައިވަނީ 45،668 މީހެކެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!