މުރައިދޫއިން ފުރައިގެން ބާރަށަށް ދިޔަ މީހަކު ހައްޔަރުކޮށްފި

ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ އެންގުމާ ޚިލާފަށް ހއ. މުރައިދޫއިން ފުރައިގެން އެއަތޮޅު ބާރަށަށް ދިޔަ މީހަކު ހައްޔަރުކޮށްފިއެވެ.

ފުލުހުން ކުރި ޓުވީޓެއްގައި ބުނެފައިވަނީ ހައްޔަރުކޮށްފައިވަނީ ހއ. މުރައިދޫ އިން ޑިންގީއެއްގައި ހއ. ބާރަށަށް ގޮސް، އަންބުރާ ހއ. މުރައިދޫ އަށް ދިޔަ 39 އަހަރުގެ ދިވެހި ފިރިހެނެއް ކަމަށެވެ.

ޑިރެކްޓަރ ޖެނެރަލް އޮފް ޕަބްލިކް ހެލްތު ގެ އެންގެވުމާ ޚިލާފުވި މިމީހާ ކޯޓު އަމުރެއްގެ ދަށުން މިމަހުގެ 20 ވަނަ ދުވަހުގެ 23:36 ހާއިރު ހައްޔަރުކޮށް މިމައްސަލަ ތަޙްޤީގު ކުރަމުން އަންނަ ކަމަށް ފުލުހުން ހާމަކުރެއެވެ.

A 39yo man has been arrested for violating the orders of the Director General of Public Health by going from HA.Muraidhoo to HA.Baarah. He was arrested under court warrant when he returned to Muraidhoo.The case is under investigation.#COVID19Maldives#Lockdown#StayHomeSaveLives

— Maldives Police (@PoliceMv) April 20, 2020

ކޮވިޑް-19 ފެތުރުން ހުއްޓުވުމަށްޓަކައި އެޗްޕީއޭއިން ވަނީ މިދިޔަ ހުކުރު ދުވަހުން ފެށިގެން، ޒަރޫރީ ބޭނުމެއްގައި މެނުވީ އެއް ރަށުން އަނެއް ރަށަށް ދިއުން މަނާކޮށްފަ އެވެ. އެ އެންގުމާ ހިލާފަށް، ގއ. ގެމަނަފުށިން އެ އަތޮޅު ކޮނޑޭއަށް ދިޔަ 60 އަހަރުގެ ދިވެހި ފިރިހެނަކު ވެސް ހައްޔަރުކޮށްފައި ވެ އެވެ. އަދި އިއްޔެގެ ވަގުތެއްގައި ނޮޅިވަރަމުން ކެނޯއެއްގައި ކުޅުދުއްފުއްޓަށްދިޔަ ދެމީހަކުވެސް ވަނީ ހައްޔަރުކޮށްފައެވެ.