މާލޭގައި ހުރި ފިހާރައެއް ފަޅާލައި ވައްކަންކޮށްފައިވާ މައްސަލައެއްގައި ތިން މީހަކު ހައްޔަރުކޮށް، ވަގަށް ނަގާފައިވާ ފައިސާ އާއި ތަކެތި ހޯދާފައިވާކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ފުލުހުން މިރޭ ބުނީ، މިއަދު ފަތިހު 4:20 އެހާކަންހާއިރު ފުލުހުން މާލޭގައި ޕެޓްރޯލްކުރަމުން ދިޔައިރު، މާވެޔޮ މަގުގައި ހުރި ފިހާރައެއްގެ ދޮރު ހަލާކުކޮށްލައިގެން ވަދެ ވައްކަން ކޮށްފައިވާކަން ފާހަގަ ކުރެވުނު ކަމަށެވެ. މިކަން ފާހަގަ ކުރެވިގެން، އެސަރަހައްދުގެ ސީސީޓީވީ ފުޓޭޖް ބަލައި ދެނެގަނެ، ވައްކަން ކުރިކަމަށް ތުހުމަތު ކުރެވޭ 3 މީހުން ހޯދައި އެމީހުން ހައްޔަރުކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނީ، އެފިހާރައިން އެމީހުން ވަގަށް ނެގި ކަމަށް ބެލެވޭ ފައިސާއާއި ސިގިރެޓް ކާޓަން ތަކެއް ވަނީ ހޯދާފައެވެ.
މި މައްސަލައާ ގުޅިގެން ހައްޔަރުކޮށްފައިވާ ތިން މީހުން
- އިހުސާން އިބްރާހިމް (26 އަހަރު)، ގދ. ވާދޫ/އަތަމާގެ،
- މުޙައްމަދު ޞޮބާޙް (46 އަހަރު)، ގދ. ވާދޫ/ލިލީގެ،
- އިބްރާހިމް މުޙައްމަދު ރަޝީދު (34 އަހަރު) ރ. އިނގުރައިދޫ/ދަނބުރުއްގަސްދޮށުގެ،
މި މައްސަލައާ ގުޅިގެން އެމީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އިހުސާން އިބްރާހިމް 30 ދުވަހަށް އަދި އަނެއް ދެ މީހުން 15 ދުވަހަށް ބަންދުކުރުމަށް ވަނީ އަމުރުކޮށްފައެވެ.
މި މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!