ސްޓޭޓް އިލެކްޓްރިކް ކޮމްޕެނީ (ސްޓެލްކޯ)ގެ އިތުރު މުވައްޒަފުންތަކެއް ލީޑާޝިޕް އެންހޭންސްމެންޓް ޕްރޮގްރާމް ފުރިހަމަ ކުރުމާއެކު، އެ ޕްރޮގްރާމް ފުރިހަމަކުރި ކުންފުނީގެ މުވައްޒަފުންގެ އަދަދު ޖުމްލަ 469 އަށް އަރައިފިއެވެ.
ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ އެކްސްގައި ވިދާޅުވީ، ލީޑާޝިޕް އެންހޭސްމެންޓް ޕްރޮގްރާމުގެ ނުވަވަނަ ބެޗު ޓްރެއިނިން ޕްރޮގްރާމް ކާމިޔާބުކަމާއެކު ނިންމާލާފައިވާ ކަމަށެވެ.
އެ ބެޗުގައި އެ ކުންފުނީގެ 51 މުވައްޒަފަކު ތަމްރީނުވެފައިވާ ކަމަށް ފަހުމީ ވިދާޅުވި އެވެ. އެއާއެކު ލީޑާޝިޕް އެންހޭސްމެންޓް ޕްރޮގްރާމް ފުރިހަމަކުރި ސްޓެލްކޯގެ މުވައްޒަފުންގެ އަދަދު 469 އަށް އަރައިފައިވާ ކަމަށް ވެސް ފަހުމީ ވިދާޅުވެފަވެއެވެ.
“469 Staff Complete @STELCOMALDIVES Leadership Enhancement Program, Strengthening the Path to a Brighter Future”
We are thrilled to announce the successful completion of Batch 9 of our Leadership Enhancement Program, with all 51 team members safely returning from the Girifushi… pic.twitter.com/vmKnMio4Qd
— Hussain Fahmy (@HussainFahmy09) October 12, 2024
އެމްޑީ ފަހުމީ ވަނީ އެ ޕްރޮގްރާމް ބޭއްވުމަށް އެމްއެންޑީއެފްގެ ފަރާތުން ލިބެމުންދާ އެއްބާރުލުން ފާހަގަކުރަށްވައި، ސިފައިންގެ ވެރިޔާ، ރައީސް ޑރ. މުހައްމަދު މުއިއްޒަށް ޝުކުރު އަދާކުރައްވާފައެވެ.
ސްޓެލްކޯގެ ލީޑާޝިޕް އެންހޭންސްމެންޓް ޓްރެއިނިނިން ޕްރޮގްރާމަކީ މުވައްޒަފުން ބާރުވެރިކުރުވުމަށް އެޅުނު މުހިންމު ފިޔަވަޅެއްކަން ފާހަގަކުރަށްވައި، އެ ޕްރޮގްރާމުގެ ސަބަބުން މުވައްޒަފުންގެ އިތުރުން ކުންފުންޏަށް ވެސް ފައިދާތަކެއް ލިބިގެންދާނެކަން އެމްޑީ ވަނީ ފާހަގަކުރަށްވާފައެވެ.
ސްޓެލްކޯއިން ދަނީ ކުންފުނީގެ މުވައްޒަފުންގެ ކުރިއެރުމަށް ވެސް ގިނަ މަސައްކަތްތަކެއް ކުރަމުންނެވެ.
