ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށް ދިވެހި ދިފާޢީ ބާރުން އިލްތިމާސްކޮށްފިއެވެ.

ޤައުމީ ދިފާޢީ ބާރުން މިފަދަ އިލްތިމާސެއްކުރީ، މޫސުމާ ބެހޭ ޤައުމީ އިދާރާ، މީޓިރިއޮލޮޖިކަލް ސާވިސްގެ މެޓް އޮފީހުން ކުރިއަށް އޮތް ތިން ދުވަހަށް، ގުގުރުމާއެކު ބޯކޮށް ވާރޭ ވެހޭނޭކަމަށް ލަފާކޮށް، ރާއްޖޭގެ ބޮޑު ބަޔަކަށް ރީނދޫ ސަމާލު ނެރެފައިވާތީކަމަށް އެ އިދާރާއިން ބުނެފަވެއެވެ.

Ad
rt

މިގޮތުން ޚާއްޞަކޮށް މުޅި ރާއްޖެއަށް ވައިގަދަވެ، ކަނޑުތައް ގަދަވާނެކަމަށް މެޓް އޮފީހުން ލަފާކޮށްފައިވާތީ، ކަނޑު ދަތުރުކުރާ ފަރާތްތަކުން މޫސުމަށް ސަމާލުކަން ދެއްވުމަށް އިލްތިމާސް ކުރާކަމަށް ދިފާއީ ބާރުންބުނެއެވެ.

ގައުމީ ދިފާބާރުގެ ކޯސްޓް ގާޑުގެ ފަރާތުން ވަނީ، ކަނޑުމަގުން ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ނުކުރުމަށާއި، ކޮންމެހެން ދަތުރުކުރަންޖެހޭ ފަރާތްތަކުން ވެސް، ދަތުރުކުރައްވާއިރު މޫސުމަށް ޚާއްޞަ ސަމާލުކަމެއް ދެއްވުމަށް އިލްތިމާސްކޮށްފައެވެ.
މީގެ އިތުރުނަ ރޭގަނޑު ދަތުރުނުކުރުމަށާއި، މޫސުން ތަން ނުދޭނަމަ މޫސުން ރަނގަޅު ވާންދެން ދަތުުރު ފަސްކޮށްލުމަށް ވެސް އެމްއެންޑީއެފް ކޯސްޓްގާޑުގެ ފަރާތުން ވަނީ އިލްތިމާސްކޮށްފައެވެ.