ނުދަންނަ ބޭރު ގައުމުތަކުގެ ނަންބަރު ތަކުން މެސެޖްކޮށް ގުޅަން ބުނާ ނަމްބަރުތަކަށް ނުގުޅުމަށް ފުލުހުން އިލްތިމާސް ކޮށްފިއެވެ.
ފުލުހުން ކުރެއްވި ޓްވީޓެއްގައި ހާމަކުރައްވާފައިވަނީ ރާއްޖެއިން ބޭރުގެ ބައެއް ނަމްބަރުތަކުން ގުޅާދިނުމަށް އެދި ވަރަށް ގިނަ ފަރާތްތަކަށް މެސެޖްތައް ކުރަމުން އަންނަކަމަށާއި މިކަހަލަ މެސުޖުތަކަށާއި ފޯނު ތަކަށްވެސް ޖަވާބު ނުދެއްވުމަށް ފުލުހުން އިލްތިމާސް ކުރެއްވިއެވެ. އަދި މިއީ ގަސްތުގައި ގެއްލުމެއް ދިނުމަށް ކުރާ މެސެޖްތަކަކަށްވުމަކީ އެކަށީގެންވާ ކަމެއް ކަމަށާއި މިފަދަ ވަގުކޯލްތައް ނުވަތަ މެސެޖްތައް ކުރުމަށް ބޭނުންކުރާ ސިމްބޮކްސް ނަމަކަށް ކިޔާ ސެޓަޕެއް މެދުވެރިކޮށް ކުރާ މަކަރާއި ހީލަތުގެ މެސެޖްތަކެއްކަމަށްވެސް ފުލުހުން ވިދާޅުވެއެވެ.
SAFETY ALERT:
Many people have been receiving a text asking them to call a foreign number. Please DO NOT respond to these messages as they can be malicious. These are Simbox fraud texts. We strongly advise you NOT TO ANSWER such texts or calls.
#BeSafe #ECD pic.twitter.com/xWbU1fq7Aj— Maldives Police (@PoliceMv) November 19, 2019
ވަރަށް އާޖެންޓްކޮށް ގުޅާލަން ބޭނުންވާތީ އަވަހަށް ގުޅާދިނުމަށް އާދޭހާއި އެކު އެދިލައްވާފައި ބައެއް ފަރާތްތަކުގެ ފޯނަށް މެސެޖު ލިބިފައިވާއިރު އެ ނަމްބަރުތަކަށް ގުޅުމުން ޕްރީޕެއިޑް ފޯނެއްނަމަށް ކިތަންމެ ގިނަ އަދަދަކަށް ބެލެންސްގައި ފައިސާ ހުރި ނަމަވެސް އެ ފައިސާ އެއްކޮށް ހުސްކޮށްލައެވެ. އަދި ޕޯސްޓް ޕެއިޑްއެއް ނަމަ ފޯން ބިލަށް އަރާ ވަރު ދެގުނައަށް އިތުރުވެގެންދެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!