ބޮޑު ތިލަދުންމަތީގެ މެންބަރުން ރައީސް އާއި ބައްދަލު ކޮށްފި

ތިލަދުންމަތީގެ މަޖިލިސް މެންބަރުންނާއި ރައީސް ބައްދަލު ކުރައްވައިފި އެވެ.

ހއ ހދ އަދި ށ އަތޮޅު އެމްޑީޕީއަށް ނިސްބަތްވާ މަޖިލިސް މެންބަރުންނާއި ބައްދަލު ކުރެއްވުން އޮތީ އިއްޔެ ރައީސް އޮފީހުގައެވެ.

President @ibusolih has today met with @mvpeoplesmajlis members representing Ha, Hdh Sh. Atoll constituencies. pic.twitter.com/DDUTxOeSoT

— The President's Office (@presidencymv) October 17, 2019

އިހަވަންދޫ ދާއިރާގެ މެންބަރ ސިފާއު ވިދާޅުވިގޮތުގައި މިބައްދަލުވުމަކީ އެމްޑީޕީ މެންބަރުން އިސްނަގައިގެން ބޭއްވި ބައްދަލުވުމެކެވެ. މިބައްދަލުވުމުގައި މަޝްވަރާކުރެވުނީ ހަނިމާދޫ އިންޓަރނޭޝަނަލް އެއަރޕޯޓް ތަރައްގީ ކުރުމުގެ މަސައްކަތް އަވަސްކުރުމާއި ގުޅޭގޮތުންނެވެ.

އެގޮތުން ހަނިމާދޫ އިންޓަރނޭޝަނަލް އެއަރޕޯޓަކީ 1 މިލިއަން މީހުންނަށް ހިދުމަތްދެވޭ ފެންވަރުގެ އެއަރޕޯޓެއްގެ ގޮތުގައި ތަރައްގީ ކުރުމަށް މެންބަރުންވަނީ ރައީސްގެ އަރިހުން އެދިފައެވެ.

ހަނިމާދޫ އެއަރޕޯޓަކީ ނަމެއްގައި އިންޓަރނޭޝަނަލް ކުރެވިފައިވާ އެއަރޕޯޓެކެވެ. މިއެއރޕޯޓަކީ އުތުރުގެ ރައްޔިތުންނަށް ވަރަށް މުހިންމު އެއަރޕޯޓެކެވެ.