ކުޅުދުއްފުށީ ސިޓީގައި، ފެނަކަ ތެޔޮ ބައުޒަރެއްގައި ރޯވެއްޖެއެވެ.

ފެނަކައިން ވިދާޅުވިގޮތުގައި އެއީ އެ ކުންފުނިން ޑީސަލް އުފުލުމަށް ބޭނުންކުރާ ބައުޒަރެކެވެ.

Ad
rt

އެ ހާދިސާ ހިނގީ ޑީސަލް ރީފިލް ކުރަން އުޅުމުގެ ތެރޭގައި ކަމަށާއި، އެއްވެސް މީހަކަށް މިހާދިސާގައި ގެއްލުން ނުވާކަމަށް ފެނަކައިން ވިދާޅުވެއެވެ. ނަމަވެސް ބައުޒަރަށް ވަނީ ވަރަށް ބޮޑަށް ގެއްލުން ވެފައެވެ.

މި ހާދިސާއާއި ގުޅިގެން އެމްއެންޑީއެފުން ވިދާޅުވީ، ކުޅުދުއްފުށީގައި ތެޔޮ ބައުޒަރެއްގައި ރޯވިކަމުގެ މައުލޫމާތު އެމްއެންޑިއެފް ނޯދަން އޭރިއާއަށް 11:55 ހާއިރު ލިބުނު ކަމަށެވެ.

އެ ބައުރަޒުގައި ރޯވި އަލިފާންގަނޑު އެމްއެންޑީއެފްގެ ފަޔަރ ސްޓޭޝަންގެ ސިފައިން ނިއްވާލާފައިވާކަމަށްވެސް އެ އިދާރާއިން ވިދާޅުވެއެވެ.