ރާއްޖޭގެ ފޮރިން މިނިސްޓަރު އަބްދުﷲ ޝާހިދު އދ. ގެ އާންމު މަޖިލީހުގެ ރައީސް ކަން ކާމިޔާބުކުރައްވައިފި އެވެ.
މިރޭ ބޭއްވި އިންތިހާބުގައި ޝާހިދު އެ މަގާމަށް ހޮވި ވަޑައިގެންނެވީ އަފްޣާނިސްތާނުގެ ކުރީގެ ހާރިޖީ ވަޒީރު ޑރ. ޒަލްމާއި ރަސޫލް އާއި ވާދަ ކުރައްވަ އެވެ.
މިރޭ ނެގި ވޯޓްގައި އާންމު މަޖިލީހުގައި ހިމެނޭ 193 މެންބަރު ގައުމަކުން ލީ ސިއްރު ވޯޓެކެވެ. މިނިސްޓަރު ޝާހިދަށް ލިބިވަޑައިގަތީ 191 ވޯޓުގެ ތެރެއިން 143 ވޯޓުންނެވެ. އާންމު މަޖިލީހުގައި ހިމެނޭ ބޮޑު އަދި ނުފޫޒު ގަދަ ގައުމުތަކުގެ ތާއީދު ރާއްޖެއަށް ލިބިފައިވެ އެވެ.
Warm congratulations to Foreign Minister @abdulla_shahid for winning the election for the Presidency of the 76th UN General Assembly by a resounding margin of 143 votes. This is a great honour for Maldives and I have no doubt Min. Shahid will do us all proud as UNGA President.
— Ibrahim Mohamed Solih (@ibusolih) June 7, 2021
ރައީސް ހޮވަނީ އާ ދައުރު ފެށުމުގެ ތިން މަސް ދުވަސް ކުރިންނެވެ. ޝާހިދު އިންތިހާބުވެ ވަޑައިގަތީ އދ. ގެ 76 ވަނަ އާއްމު މަޖިލީހުގެ ރައީސް ކަމަށެވެ. އދ. ގެ 76 ވަނަ އާންމު މަޖިލިސް ފަށާނީ މިއަހަރުގެ ސެޕްޓެމްބަރު 14، ގަ އެވެ.
އެ މަޖިލީހުގެ ރައީސްގެ މައިގަނޑު މަސްއޫލިއްޔަތަކީ އާންމު މަޖިލީހުގެ ރިޔާސަތު ބެލެހެއްޓުމާއި އެޖެންޑާ ކަނޑައެޅުމާއި، ބަހުސްތަކުގައި ގައުމުތަކަށް ވަގުތު ދިނުމުގެ ކަންކަން ހަމަޖެއްސުމެވެ.
India congratulates @abdulla_shahid on being elected as the 76th President of the @UN General Assembly!
Distinct honour for #Maldives to first time chair the #UNGA with 193 countries represented. Delighted at the global recognition it brings to the #Maldives & FM Shahid! pic.twitter.com/ywbr1eRacQ
— India in Maldives (@HCIMaldives) June 7, 2021
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!