މީހެއްގެ ޖީބުން މަގުމައްޗަށް ވެއްޓުނު 17000ރ. ފުލުހުންގެ މަސައްކަތުން ހޯދައިދީފިއެވެ.
ފުލުހުން ބުނީ މީހެއްގެ ޖީބުން 17000ރ މަގުމައްޗަށް ވެއްޓި، ގެއްލިފައިވާކަމަށް މި މަހުގެ 9 ވަނަ ދުވަހު އެ އިދާރާއަށް ރިޕޯޓްކޮށްފައިވާ ކަމަށެވެ.
މި މައްސަލައާއި ގުޅިގެން އެ ފައިސާތައް ހޯދުމަށް ފުލުހުން ވަނީ ސީސީޓީވީ ފުޓޭޖްތައް ބަލާފައެވެ. އަދި އެ ފައިސާތައް މަގުމަތިން ނެގި މީހާ ފުލުހުން ވަނީ ދެނެގަނެފައެވެ.
ގަލޮޅު ފުލުހުންގެ މަސައްކަތުން މަގުމަތިން އެ ފައިސާތައް ނެގި އެމީހާ ދަނެގަނެ، މިރޭގެ ވަގުތެއްގައި އެފައިސާތައް ހޯދައި ވެރިމީހާއާއި ހަވާލުކޮށްދީފައިވާކަމަށް ފުލުހުން ވަނީ ބުނެފައެވެ.
ފުލުހުން ބުނީ މި މައްސަލާގައި މީހަކު ހައްޔަރުކޮށްފައި ނުވާކަމަށެވެ. ނަމަވެސް މި މައްސަލައިގެ ތަހުގީގު ފަށާފައިވާ ކަމަށެވެ.
ފުލުހުން ވަނީ މީގެ ކުރިން ވެސް މީހުން އަތުން ގެއްލޭތަކެތި ހޯދައިދިނުމަށް ސީސީޓީވީ ފުޓޭޖްބަލައިގެން ކާމިޔާބު މަސައްކަތްތަކެއް ކޮށްފައެވެ.
މި ހާދިސާއިން ފެންނަނީ، މުޖުތަމަޢުގެ ރައްކާތެރިކަމާއި މުދަލުގެ ޙުރުމަތް ހިފެހެއްޓުމުގައި ފުލުހުންގެ މުހިންމު ދައުރެވެ. އަދި ގެއްލޭ ތަކެތި އަނބުރާ ހޯދުމަށް ފުލުހުން ކުރާ މަސައްކަތުގެ މުހިންމުކަމެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!