ބައެއް ޚިދުމަތްތައް ލިބުމުގައި ދަތިވާނެ: ބީއެމްއެލް

ބޭންކް އޮފް މޯލްޑިވްސް (ބީއެމްއެލް) އިން ދެމުންދާ ބައެއް ޚިދުމަތް ތަކަށް ބުރޫ އަރާނެ ކަމަށް އެ ބޭންކުން ބުނެފިއެވެ.

ގައުމީ ބޭންކް، ބީއެމްއެލް އިން ކުރި ޓުވީޓެއްގައި ބުނީ އެ ބޭންކްގެ ބައެއް ޚިދުމަތްތަކަށް ބުރޫ އަރާފައިވަނީ ދިމާވި ޓެކްނިކަލް މައްސަލައަކާ ގުޅިގެން ކަމަށެވެ.

އެގޮތުން އެ ބޭންކުން ފޯރުކޮށް ދެމުންދާ މޯބައިލް ބޭންކިން އާއި އިންޓަނެޓް ބޭންކިން ބޭނުން ކުރުމުގައި ކަސްޓަމަރުންނަށް ދަތިތައް ކުރިމަތިވާނެ ކަމަށް ބީއެމްއެލްއިން ބުންޏެވެ.

އެ މައްސަލަ ވީއެންމެ އަވަހަކަށް ހައްލުކުރަން މަސައްކަތް ކުރަމުންދާ ކަމަށާއި، އެކަމުގެ ސަބަބުން ކަސްޓަމަރުންނަށް ދިމާވާ ދަތިތަކަށް މައާފަށް އެދޭ ކަމަށް ބީއެމްއެލް އިން ބުންޏެވެ.

Due to a technical issue, customers may experience interruptions to our Internet Banking and Mobile App service. We are working to resolve this as soon as possible. Our apologies for any inconvenience caused.

— Bank of Maldives (@bankofmaldives) October 23, 2020

ބޭންކް އޮފް މޯލްޑިވްސްގެ މޯބައިލް ބޭންކިން އާއި އިންޓަނެޓް ބޭންކިން ޚިދުމަތަށް ބުރޫއަރާފައި ވާއިރު، މިއަދު މާލޭން އެކި ފަހަރު މަތިން ކަރަންޓު ކެނޑުމުގެ މައްސަލަ ވަނީ ދިމާވެފައި އެވެ.