10 ރިސޯޓަކުން ކަރަންޓީނު މަރުކަޒުގެ ގޮތުގައި 1158 ކޮޓަރި، 2288 އެނދު

ކަރަންޓީނު ފެސިލިޓީތައް ގާއިމްކޮށްފައިވާ ރިސޯޓްތަކަކީ؛

• ބިޔާދޫ ރިސޯޓް
• ފަން އައިލެންޑް ރިސޯޓް
• ހޮލިޑޭ އައިލެންޑް ރިސޯޓް
• މަލަހިނި ކުޑަބަނޑޮސް
• ހުޅުލެ އައިލެންޑް ހޮޓެލް (އެޗްއައިއެޗް)
• ވަރު ބައި އެޓްމޮސްފިއަ
• އެނބޫދޫ ވިލެޖް
• ވެލިދޫ އައިލެންޑް ރިސޯޓް
• ދިއްގިރި ރިސޯޓް
• ރޯޔަލް އައިލެންޑް

މީގެ އިތުރުން ހިމެނޭ ރަށަކީ ރިސޯޓް ހަދަން ދޫކޮށްފައިވާ ވިލިވަރު އެވެ.

ޓޫރިޒަމް ދާއިރާގެ އެއްބާރުލުން މިކަމަށް ވަރަށް ބޮޑަށް ލިބިފައިވާތީ މިނިސްޓަރުވަނީ އެފަރާތްތަކަށް ޝުކުރު އަދާކޮށްފައެވެ.

"އެބޭފުޅުން ކުއްޔެއް އެއްޗެއް ނުނަންގަވާ އެ ރަށްތައް އަޅުގަނޑުމެންނަށް އެ ދޫކޮށްލެއްވީ. މިއީ ރައީސް އިބްރާހިމް މުހައްމަދު ސޯލިހުގެ ސަރުކާރުން ނެންގެވި ވަރަށް މުހިންމު ފިޔަވަޅެއްކަމަށް މިނިސްޓަރގެ ޓުވީޓުގައި ފާހަގަ ކުރެއްވިއެވެ.

ކަރަންޓީނު މަރުކަޒުތައް ގާއިމްކޮށްފައިވާ ރިސޯޓްތަކުގައި މިނިސްޓްރީގެ ފޯކަލް ޕޮއިންޓްތައްވަނީ ގާއިމްކޮށްފައެވެ. ކަރަންޓީނުގައި ތިބޭ އާއިލާގެ ފަރާތްތަކުން ސީދާ އެ ފަރާތްތަކަށް ގުޅައިގެން، ހާލު ބެލުމާއި އެހެނިހެން ކަންކަން ހަމަޖެއްސުމަށް އެފަރާތްތަކުގެ ނަންބަރު ވަނީ ހިއްސާކޮށްފައެވެ.

Alhamdhulillaahi. Have secured 1158 Rooms (2288 beds) as quarantine facilities. Thank you tourism industry. Great initiative by his excellency President @ibusolih
To all families & loved ones who are in quarantine facilities. Here are @MoTmv focals who will help#FlattenTheCurve pic.twitter.com/NllIlO6a7A

— Ali Waheed (@ali20waheed) March 22, 2020

ރާއްޖެއިން ބޭރުން އަންނަ ދިވެހިންނާއި ޓޫރިސްޓު ވިސާ ފިޔަވައި އެހެން ވިސާގެ ދަށުން އަންނަ މީހުން ދަނީ މި ފެސިލިޓީ ތަކުގައި ކަރަންޓީނު ކުރަމުންނެވެ.