ހދ. ހަނިމާދޫގެ ކޮންމެ ގެޔަކަށް 150 ގޯނި ދޮންވެލި ދޫކުރަން އެރަށު ކައުންސިލުން ނިންމައިފިއެވެ.

ހަނިމާދޫ ކައުންސިލުން އެ ރަށު ކޮންމެ ގެޔަކަށް ދޮންވެލި ދޭން ނިންމާފައި ވަނީ ހަނިމާދޫ ބަނދަރު ސަރަޙައްދުގައި ހުރި ދޮންވެލި ފުނިންނެވެ.

Ad
rt

ހަނިމާދޫ ކައުންސިލުން ބުނީ، ދޮންވެލި ދޫކުރާނީ ސިމެންތި އަދި ހިލަވެލި ގޯނި ނުވަތަ އެ ސައިޒުގެ ގޯނި ގެންނަފަރާތް ތަކަށްކަމަށެވެ.

''150 ގޯނި ވެލި އެއްފަހަރާ އެގެޔަކުން ނަގަންވާނެ ވާހަކަ ދަންނަވަން'' ހަނިމާދޫ ކައުންސިލުން ބުނެފަވެއެވެ.

މި ވެލިފުނި ހުރީ އެރަށުގެ ބޮޑުތަކުރުފާނު މަގުގެ ދެކުނުން، ހަނިމާދޫ މެޖިސްޓްރޭޓް ކޯޓްގެ ހުޅަނގުގައެވެ.

ހަނިމާދޫ ކައުންސިލުން ދަނީ 14 ޑިސެމްބަރު 2025 ދުވަހުން ފެށިގެން ދޮންވެލި ދޫކުރަން ފަށާފައެވެ. ވެލި ދޫކުރަން ކަނޑައަޅާފައިވާ ގަޑިއަކީ ހެނދުނު 9:00 އިން ހަވީރު 18:00 އަށެވެ.