"ވިޒިޓް މޯލްޑިވެސް ފުރޮމް ހާޓުސީނު" ފެށުމުގެ ހަފްލާ އާމުންނަށް ހުޅުވާލައިގެން މިރޭ ހުޅުމާލޭގައި ކުރިއަށް ދާނެކަމަށް އިންތިޒާމްކުރާ ފަރާތްތަކުން ހާމަކޮށްފިއެވެ.
ހއ ތުރާކުނުން ސ އަތޮޅު މީދޫއަށް ކުރާ ދަތުރުގެ ހަރަކާތް އިފްތިތާހު ކުރުމަށް ހަމަ ޖެހިފައިވަނީ މިރޭ 09:00 ގައި ހުޅުމާލެ ސެންޓްރަލް ޕާކުގައެވެ.
މިރަސްމިއްޔާތުގައި ދައުލަތުގެ އިސްވެރިންނާއި މިހަރަކާތުގެ ޕާރޓްނަރުންނާއި ޓީމް އަދި ދަތުރު ރޭވިފައިވާ ގޮތުގެ ގިނަ މަޢުލޫމާތުތަކެއް ހިއްސާކުރުން އޮންނާނެއެވެ.
ރަށު ފަތުރުވެރިކަން ޕްރޮމޯޓް ކުރުމަށްޓަކާ 4 ޒުވާނެއް ރާއްޖޭގެ މީހުން ދިރިއުޅޭ 185 ރަށަކަށް ކުރަން ހަމަޖެހިފައިވާ ”ހާޓުސީން“ ދަތުރު ފެށުމަށް ހަމަޖެހިފައިވަނީ ތިލަދުންމަތިން ނެވެ.
ARE YOU READY MALDIVES! for Official Launching Event of@visitmaldives from #HaaToSeenu, Tonight at Hulhumale'
Central Park. pic.twitter.com/Wl9pRgnmoF— Haa To Seenu (@SeenuTo) January 23, 2020
”ހާ ޓު ސީން“ ގެ ނަމުގައި ފަށާ މި ހަރަކާތުގެ ޝިޔާރަކީ ”ޑިސްކަވަރ ދަ ރިއަލް މޯލްޑިވްސް“ އެވެ.
2 އަހަރާ ބައިގެ މުއްދަތެއްގައި ނިންމުމަށް އަމާޒުހިފާފައިވާ މިދަތުރުގައި ޔޫޓިއުބް މެދުވެރިކޮށް ކޮންމެ ރަށަކަށް 45 މިނެޓުގެ ވީލޮގް ވީޑިއޯއެއް ހެދުމަށް މިޒުވާނުން ވަނީ ތައްޔާރުވެފަ އެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!