މި ޕާޓްނަރޝިޕްގެ ދަށުން، އުރީދޫ ކްލަބް ޕްރިމިއާގެ މެމްބަރުންނަށް ސްޕާ ސިލޯނުގައި އެކްސްކްލޫސިވް ފައިދާތަކެއް ލިބި، އެ ފަރާތްތަކުގެ ދުޅަހެޔޮކަމާއި ލުއިކަމުގެ ތަޖުރިބާތައް އިތުރުކުރެވޭނެއެވެ. މިގޮތުން، ރާއްޖޭގައި އަލަށް ހުޅުވި ސްޕާ ސިލޯން އައުޓްލެޓުން މިހާރު މެމްބަރުންނަށް ޕްރޮޑަކްޓްތަކާ ގުޅޭ ހާއްސަ އޮފާތަކެއް ލިބޭނެއެވެ.
އުރީދޫ ކްލަބް ޕްރިމިއަރ ކަސްޓަމަރުންގެ ތެރެއިން ގޯލްޑް މެމްބަރުންނަށް 10% އަދި ޕްލެޓިނަމް ކަސްޓަމަރުންނަށް 15% ޑިސްކައުންޓް ލިބިގެންދާނެކަމަށް އުރީދޫއިން ހާމަކޮށްފައިވެއެވެ.
މިއަދު އުރީދޫ ހެޑްކުއާޓާސްގައި ބޭއްވުނު ރަސްމިއްޔާތުގައި ހާއްސަ ޕްރޮމޯޝަނެއްވެސް ވަނީ އުރީދޫއިން އިޢުލާނުކޮށްފައެވެ. މި ޕްރޮމޯޝަންގެ ދަށުން، 25 ޑިސެމްބަރ 2024 ގެ ކުރިން ގޯ ޕްލޭ މާކެޓް އެކްޓިވޭޓް ކޮށްގެން 10 ފަރާތަކަށް ސްޕާ ސިލޯން އިން ޑިސްކައުންޓް ވައުޗަރ ލިބުމުގެ ފުރުސަތު ލިބިގެންދާނެއެވެ. މީގެ ތެރޭގައި 1000 ރުފިޔާ އަދި 500 ރުފިޔާގެ ޑިސްކައުންޓް ވައުޗަރ ހިމެނެއެވެ.
އުރީދޫއިން ބުނީ މި ޕާޓްނަރޝިޕަކީ އުރީދޫގެ އެންމެ ހާއްސަ ކަސްޓަމަރުން ކަމަށްވާ ކްލަބް ޕްރިމިއާ މެންބަރުންނަށް ތަފާތު އަގުހުރި ޕްރިމިއަމް ތަޖުރިބާތައް ފޯރުކޮށްދިނުމަށް އުރީދޫއިން ކުރަމުން އަންނަ މަސައްކަތުގެ ދަށުން ކުރިއަށްގެންދާ ޕާޓްނަރޝިޕެއް ކަމަށެވެ.
ގޯޕްލޭ މާކެޓް އެކްޓިވޭޓް ކުރުމަށް https://ore.do/goplaymarketmv ބޭނުން ކުރެވޭނެ ކަމަށް ބުނެފައެވެ.
ލަގްޒަރީ އާޔުރްވެދާ ގެ ތަޖުރިބާގެ ސަބަބުން ދުނިޔޭގެ ފެންވަރުގައި ބަލައިގެންފައިވާ ސްޕާ ސިލޯން އަކީ ސްރީލަންކާގެ ޒަމާންވީ ފަރުވާގެ އާދަކާދަތަކާއި އެންމެ މޮޅު މާއްދާތަކާއި ޒަމާނީ ދުޅަހެޔޮކަމުގެ އާދަތަކަށް ބައްޓަންކޮށް އެކި ޕްރަޑަކްޓްތައް އުފައްދާފައިވާ ބްރޭންޑެކެވެ. މި ޕާޓްނަރޝިޕާއެކު ކްލަބް ޕްރިމިއާގެ މެންބަރުންނަށް އެންމެ ފެންވަރު ރަނގަޅު ޕްރޮޑަކްޓްތައް ތަޖުރިބާ ކުރުމުގެ ފުރުސަތު ލިބިގެން ދާނެއެވެ.
އުރީދޫ ކްލަބް ޕްރިމިއާ އަކީ އުރީދޫގެ އެންމެ ވަފާތެރި ކަސްޓަމަރުންގެ ތަޖުރިބާ އިތުރަށް ފުރިހަމަކުރުމަށްޓާކައި ފަރުމާކޮށްފައިވާ ލޯޔަލްޓީ ޕްރޮގްރާމެކެވެ. ކްލަބް ޕްރިމިއާ މެދުވެރިކޮށް މެންބަރުންނަށް ހާއްސަ އިނާޔަތްތަކާއި ޑިސްކައުންޓްތަކާއި ޕްރިމިއަމް ލައިފްސްޓައިލް ގެ ތަޖުރިބާތައް ލިބެ އެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!