ރައީސް ޑރ. މުހައްމަދު މުޢިއްޒުގެ ހާއްސަ މުޝީރު، އަބުދުއްރަހީމް އަބުދުﷲ (އަދުރޭ) ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ވާދަކުރައްވާނެކަން މިއަދު ޢިއުލާން ކުރައްވައިފިއެވެ.

ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އާއި ޕީޕަލްސް ނެޝަނަލް ކޮންގްރެސް (ޕީއެންސީ) ގުޅިގެން އުފައްދާފައި އިއްތިހާދު (ޕްރޮގްރެސިވް ކޯލިޝަން)އިން މަޖިލީހުގެ އިންތިޚާބުގައި ވާދަކުރަނީ އެއް އިއްތިހާދެއްގެ ގޮތުގައެވެ.

Ad
rt

އަދުރޭ އަކީ އެ އިއްތިހާދުގެ ޕީއެންސީގެ ޗެއާމަން ގޮތުގައި ހުންނެވި ބޭފުޅެކެވެ.

އަދުރޭ މަޖިލިސް އިންތިޚާބު 2024 ގައި ވާދަކުރަން ނިންމަވާފައި ވަނީ ކުރިން ވެސް އޭނާ މެންބަރުކަމުގެ ގޮނޑި ދެ ފަހަރެއްގެ މަތިން ފުރުއްވި އޭނާ ނިސްބަތްވެވަޑައިގަންނަވާ ލ. ފޮނަދޫ ދާއިރާ އަށެވެ.

އެ ދާއިރާއަށް ވާދަކުރައްވާނެކަން ޢިއުލާން ކުރައްވައި، އަދުރޭ ވަނީ ދާއިރާގެ ރައްޔިތުންގެ ތާއީދަށް އެދިވަޑައިގެންފައެވެ.

މި އިންތިޚާބު ބާއްވާނެ ފައިނަލް ތާރީޚެއް ސީދާ އިލެކްޝަންސް ކޮމިޝަން (އީސީ) އިން ޢިއުލާން ކުރައްވާފައި ނުވިނަމަވެސް ބެލެވޭ ގޮތުގައި މި އިންތިޚާބު އޮންނާނީ އަންނަ ރޯދައިގެ ފަހުންނެވެ.