ހުޅުމާލޭގައި ދެ މާރާމާރީއެއް ހިނގައިފި

ހުޅުމާލޭގައި މިރޭ ދެ މާރާމާރީއެެއް ހިނގައިފިއެވެ.

ފުލުހުންގެ ޚިދުމަތުން މިރޭ ވިދާޅުވީ ހުޅުމާލޭގައި ދެ މާރާމާރީއެއް ހިނގާފައިވާ ކަމުގެ މައުލޫމާތު ލިބިފައިވާ ކަމަށެވެ.

ފުރަތަމަ މާރާމާރީ ހިންގާފައި ވަނީ ފޭސް އެކެއްގައި ހުންނަ ލަޔާ ރެސްޓޯރަންޓު ކައިރީގައެވެ. އެތަނުގައި މާރާމާރީ ހިންގިކަމުގެ ރިޕޯޓް ފުލުހުންނަށް ލިބުނީ 21:17 ހާއިރު އެވެ.

ދެވަނަ މާރާމާރީ ހިނގާފައި ވަނީ ހުޅުމާލޭ ދެވަނަ ފިޔަވަހީގެ ބްރިޖެއް ކައިރީގައެވެ. އެ މާރާމާރީ ހިނގީ ފުރަތަމަ މާރާމާރީ ހިނގިތާ ކުޑައިރުކޮޅެއް ފަހުން 21:32 ގައެވެ.

އެ ދެ މާރާމާރީގައި ދެ މީހަކަށް އަނިޔާވެގެން ހޮސްޕިޓަލުގައި ފަރުވާދެމުން އަންނަ ކަމަށް ވެސް ފުލުހުން ވަނީ މައުލޫމާތު ދެއްވާފައެވެ.

ފިތުރު އީދު ދުވަހު ވަނީ މާލޭގެ ދެ ސަރަހައްދެއްގައި ދެ މާރާމާރީއެއް ހިނގައިފަ އެވެ. އެ ދެ މާރީމާރީއާއި ގުޅިގެން ވެސް 4 މީހަކަށް ފަރުވާ ދިނެވެ.