ކޮމަންޑޫ ދާއިރާ ބައި-އިލެކްޝަންގައި މާލޭގައި ވޯޓު ފޮށި ބަހައްޓަނީ އިސްކަންދަރު ސްކޫލްގައި

Elections

ށ. ކޮމަންޑޫ ދާއިރާގެ ބައި-އިލެކްޝަންގައި މާލޭގައި ބަހައްޓާ ވޯޓްފޮށި ބަހައްޓާނީ އިސްކަންދަރު ސްކޫލްގައި ކަމަށް އިލެކްޝަން ކޮމިޝަން (އީ.ސީ)އިން ބުނެފިއެވެ.

އިސީން މިއަދު ކުރި އިއުލާނެއްގައި ކޮމަންޑޫ ދާއިރާގެ އިތުރުން ތ. ވިލުފުށި އަދި ގއ. ގެމަނަފުށީ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަންގައި، ވޯޓްފޮށިތައް ބެހެއްޓިފައިވާ ސަރަހައްދުތައް ވަނީ އާންމުކޮށްފައެވެ.

އެގޮތުން ކޮމަންޑޫ ދާއިރާގެ ބައި-އިލެކްޝަންގައި ވޯޓްލުމަށް ށ. ފޯކައިދޫ ސްކޫލްގައި 2 ފޮށި ބެހެއްޓުމަށް ހަމަޖެހިފައި ވާއިރު  ކޮމަންޑޫ އަދި މާލޭގައިވެސް 2 ފޮށި ބެހެއްޓުމަށް ވަނީ ހަމަޖެހިފައެވެ. ކޮމަންޑޫގައި ވޯޓްފޮށި ބެހެއްޓުމަށް ހަމަޖެހިފައިވަނީ ށ. އަތޮޅު ތަޢުލީމީ މަރުކަޒު އަދި އެރަށު ޕްރީސްކޫލްގައެވެ. މީގެ އިތުރުން މަރޮށި އިޖްތިމާޢީ މަރުކަޒުގައި 1 ވޯޓް ފޮށި ބެހެއްޓުމަށް ވަނީ ކަނޑައެޅިފައެވެ.

ތ. ވިލުފުށި އަދި ގއ. ގެމަނަފުށީ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަންގައި، ކޮންމެ ރަށެއްގައި 2 ވޯޓްފޮށި ބަހައްޓާނެއެވެ. އެ ވޯޓް ފޮށިތައް ބެހެއްޓުމަށް ހަމަޖެހިފައިވަނީ އެ 2 ރަށުގެ ސްކޫލްގައެވެ.

ކޮމަންޑޫ ދާއިރާގެ ހުސްވެފައިވާ ގޮނޑިއަށް ވާދަކުރަނީ 3 ޕާޓީ އަކުންނެވެ. އެއީ އެމްޑީޕީގެ ކެންޑިޑޭޓް މުހައްމަދު ރާޝިދާއި، އިދިކޮޅު ޕީޕީއެމްގެ ކެންޑިޑޭޓް މޫސާ ފަތުހީ އާދަމްގެ އިތުރުން އެމްއެންޕީން އަބްދުލް ހައްނާނު އިދުރީސް އެވެ.

އެދާއިރާ ގޮނޑި ހުސްވެފައިމިވަނީ އެ ދާއިރާގެ މެމްބަރުކަމުގައި ހުންނެވި ހުސައިން ވަހީދު އަވަހާރަވުމާ ގުޅިގެންނެވެ.

ލިޔުން ވިދާޅުވުމަށްފަހު ހިއްސާ ކުރައްވާ

ހިޔާލު ދެއްވާ!

Your email address will not be published. Required fields are marked *

ގުޅުންހުރި