އެމް.ޓީ.ސީ.ސީއިން "ހިނިތުންވުމާއެކު" ކެންޕެއިނެއް ފަށައިފި

7 އޮކްޓޯބަރ އިން މިމަހުގެ 11 އަށް ފާހަގަކުރަމުން އަންނަ ދުނިޔޭގެ ކަސްޓަމާ ސާވިސް ހަފްތާއާ ގުޅުވައިގެން "ހިނިތުންވުމާއެކު" ގެ ނަމުގައި އެމްޓީސީސީ އިން ކެމްޕެއިނެއް ފަށައިފި އެވެ.

މިއަދު "ހިނިތުންވުމާއެކު" ކެމްޕެއިން ފެށުމަށް ބޭއްވި ރަސްމިއްޔާތުގައި ވާހަކަ ދައްކަވަމުން އެމްޓީސީސީގެ ސީއީއޯ ހަސަން ޝާހު ވިދާޅުވީ އެމްޓީސީސީ އަކީ ގިނަ ސިނާއަތްތަކެއްގައި ރައްޔިތުންނާއެކު ސީދާ ގޮތުންނާއި ނުސީދާ ގޮތުން މަސައްކަތް ކުރާ ކުންފުންޏެއް ކަމަށާއި، ކުންފުނިންދޭ ހިދުމަތްތައް މިހާރަށްވުރެ ރަނގަޅުކޮށް ކަސްޓަމަރުންނާއެކު އޮންނަ ގުޅުން ބަދަހިކުރުމަކީ އެމްޓީސީސީގެ މަގުސަދެއް ކަމަށްވެސް އެފަރާތުން ބުނެއެވެ.

މިއަދު ފެށިގެން މިދިޔަ ކެމްޕެއިނުގެ މަގުސަދަކީ ކުންފުނީގެ މުވައްޒަފުންގެ މެދުގައި ކަސްޓަމާ ސާވިސްގެ މުހިއްމުކަމާ މެދު ހޭލުންތެރިކޮށް އެމްޓީސީސީގެ ހިދުމަތް ލިބިގަންނަ ކަސްޓަމަރުންގެ ކަސްޓަމާ އެކްސްޕީރިއަންސް މިހާރަށްވުރެ ރަނގަޅުކުރުން ކަމަށް އެމްޓީސީސީ އިން ހާމަކުރެއެވެ.

ދުނިޔޭގެ ކަސްޓަމަރ ސާރވިސް ފާހަގަކުރާ ހަފްތާއާއި ގުޅުވައިގެން އެމްޓީސީސީއިން "ހިނިތުންވުމާއެކު" ގެ ނަމުގައި ކެމްޕެއިނެއް ފަށައިފިއެވެ.

ޕްރެސް ރިލީޒް: https://t.co/sXapIe0p6n pic.twitter.com/yX06wutCGc

— MTCC Plc (@MTCCPlc) October 7, 2019

މީގެ އިތުރުން ކަސްޓަމަރުންނާއި މުވައްޒަފުންނާމެދު އޮންނަ ގުޅުން ބަދަހިކޮށް އިތުބާރު ބޮޑުވެގެންދިޔުމަކީވެސް މި ކެމްޕެއިނުގެ މަގުސަދެއްކަމަށް އެމްޓީސީސީ އިން ވަނީ ބުނެފައެވެ.