ސިއްހީ ދާއިރާއިން ރާއްޖޭގެ އަތޮޅުތަކުން ދެވޭ ޚިދުމަތްތައް ރަނގަޅު ކުރުމަށް ސަރުކާރުން ކުރަށްވަމުން ގެންދަވާ މަސައްކަތްތަކުގެ ތެރެއިން ހއ.ކެލާ ހިމެނޭހެން އިތުރު ދެ ރަށަކަށް އެމްބިއުލާންސް ފޮނުވައިފިއެވެ.
މި އެމްބިއުލާންސްތައް ފޮނުވާފައި ވަނީ ހއ.ކެލާގެ އިތުރުން ގއ.ދާންދުއާއި ގދ.ހޯޑެއްދުއަށް ކަމަށް ހެލްތް މިނިސްޓްރީއިން ވަނީ ހާމަ ކުރަށްވާފައެވެ.
އެމްބިއުލާންސް ފޮނުވުނު އެއްރަށް ކަމަށްވާ ގދ. ހޯޑެއްދޫގައި ކޯވިޑް-19ގެ ކޭސްތަކެއް ފެނުމާއި ގުޅިގެން އެރަށުގެ ސިއްޙީ ކަންކަން ހަރުދަނާކުރުމުގެ މަސައްކަތްވެސް ހެލްތް މިނިސްޓްރީއިންދަނީ ކުރަމުންނެވެ.
އެރަށުން މިއަދުވެސް ކޯވިޑް-19 އަށް އިތުރު 10 މީހަކު ޕޮޒިޓިވްވެ، އެ ރަށުން ޕޮޒިޓިވްވި މީހުންގެ ޢަދަދު މިހާރު ވަނީ 35 އަށް އަރާފައެވެ.
MWSC has arranged transportation of ambulances required for GA. Dhaandhoo and GDh. Hoandehdhoo, as a CSR initiative, to assist in goverment's efforts to combat Covid-19. pic.twitter.com/gdyelrr6T4
— Male' Water and Sewerage Company Pvt. Ltd. (@MWSC_Official) September 8, 2020
މިއަދު ތިން ރަށަކަށް ފޮނުވުނު އެމްބިއުލާސްތަކުގެ ތެރެއިން ގއ.ދާންދުއާއި ގދ.ހޯޑެއްދުއަށް އެމްބިއުލާންސްތައް ފޮނުވުމުގެ ދަތުރު ހަމަޖައްސާފައި ވަނީ ގައުމީ ފެންކުންފުނި، އެމްޑަބްލިއުއެސްސީގެ ސީއެސްއާރުގެ ދަށުން އެ ކުންފުނިންނެވެ.
ރާއްޖޭގެ ސިއްޙީ ނިޒާމުގެ ހާލަތު ރަނގަޅު ކުރުމަށް ސަރުކާރުން ދަނީ ގިނަ މަސައްކަތްތަކެއް ކުރަށް ވަމުންނެވެ.