އާ ކޯޗު އެންޒޯ މަރެސްކާގެ އިރުޝާދުގެ ދަށުން ކުޅެމުން އަންނަ މެންޗެސްޓާ ސިޓީން، އެއް ކުޅުންތެރިއަކު މަދުކޮށް ކުޅެ 1-0 ގެ ނަތީޖާއަކުން ވާދަވެރި މެންޗެސްޓާ ޔުނައިޓެޑް ބަލިކޮށްފިއެވެ.
މެޗުގެ ފުރަތަމަ ހާފުގައި ފިލް ފޯޑެން އަށް ރަތްކާޑު ދައްކައި ދަނޑުން ފޮނުވާލި ނަމަވެސް، ސިޓީ މޮޅުކޮށްދިނީ އާލިން ހާލަންޑް ކާމިޔާބުކޮށްދިން ހަމައެކަނި ލަނޑުންނެވެ.
މެޗުގެ 23 ވަނަ މިނެޓުގައި ޔުނައިޓެޑްގެ ކެޕްޓަން ބްރޫނޯ ފެނާންޑޭސް އަށް ފޯޑެން ފައިން ޖެހުމާ ގުޅިގެން ރެފްރީ ވަނީ އޭނާއަށް ސީދާ ރަތްކާޑެއް ދައްކާފައެވެ. ނަމަވެސް، ގާތްގަނޑަކަށް 250 މިލިއަން ޕައުންޑްގެ އަގުހުރި މިޑްފީލްޑް ޕެއަރ ކަމަށްވާ އެލިއަޓް އެންޑަސަން އަދި އެންޒޯ ފެނާންޑޭޒް ވަނީ ސިޓީގެ މެދުތެރެ ވަރުގަދަކޮށް ހިފަހައްޓައިދީފައެވެ.
ހާލަންޑް ޖެހި ލަނޑާ މެދު ބޮޑެތި ބަހުސްތަކެއް އުފެދުނެވެ. އެއީ ބޯޅަ ހާލަންޑްގެ ފައިގައި ޖެހުމުގެ ކުރިން އެންޒޯ ފެނާންޑޭޒް ބޮލުން ޖަހަން އުޅުމުން އޭނާ އޮފްސައިޑް މަގާމެއްގައި ހުރެ ކުޅުމަށް ނުފޫޒު ފޯރުވި ކަމަށް ނުބެލުމުންނެވެ. މި ބައްޔާއެކު ޔުނައިޓެޑް މިހާރު ވަނީ ތާވަލުގެ އެއްވަނައިގައިވާ ސިޓީ އާއި އެންމެ ފަހުގެ ޗެމްޕިއަން އާސެނަލް އަށް ވުރެ އަށް ޕޮއިންޓް ފަހަތަށް ވެއްޓިފައެވެ.
މި މޮޅަކީ ޕެޕް ގާޑިއޯލާގެ ކާމިޔާބު ދިހަ އަހަރަށް ފަހު، ސިޓީގެ ފެންވަރު ދަށްވެދާނެ ކަމަށް ކުރެވުނު ޝައްކުތަކަށް މަރެސްކާ ދިން ވަރުގަދަ ޖަވާބެކެވެ. މެޗުގެ ކުރިން ސްޓެޓްފޯޑް އެންޑްގައި ޔުނައިޓެޑްގެ ސަޕޯޓަރުން ވަނީ ޓިކެޓް ކަޅުބާޒާރުގައި ވިއްކުމާ ދެކޮޅަށް އެ ކްލަބުން އެޅި ހަރުކަށި ފިޔަވަޅުތަކުގެ ސަބަބުން ކުށެއް ނެތް ސަޕޯޓަރުންނަށް އަދަބު ލިބޭތީ އިހުތިޖާޖުކޮށްފައެވެ. އެގޮތުން އެ ސަޕޯޓަރުން ވަނީ “The way you treat us is a disgrace” (ތިޔަބޭފުޅުން އަޅުގަނޑުމެންނާ މެދު ކަންތައް ކުރާ ގޮތަކީ ލަދުވެތި ކަމެއް) ޖަހާފައިވާ ބެނާއެއް ދައްކާލާފައެވެ.
މެޗުގެ ފުރަތަމަ ކޮޅުގައި ސިޓީން މޮޅަށް ކުޅުނު ނަމަވެސް، ފޯޑެންގެ މި އަމަލުގެ ސަބަބުން އެ ޓީމަށް ގޮންޖެހުންތަކަކާ ކުރިމަތިވިއެވެ. ސިޓީން ދެކޭ ގޮތުގައި ފޯޑެން އަށް ފައުލްކޮށް އޭނާގެ ބުރަކަށީގައި ފައިން ޖެހި ފެނާންޑޭސް އަށް ވެސް ރަތްކާޑު ދައްކަން ޖެހޭނެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!