ސައުދީ އަރަބިއްޔާގެ ވެރިރަށް ރިޔާދުގައި، ގެފުޅުގެ ބައްޓަމަށް ބިނާކުރާ "ދަ މުބާކް" ސްކައިސްކްރޭޕަރސް ދައްކާލައިފި އެވެ.

ސައުދީ ސަރުކާރުން ހިންގުމަށް ނިންމާފައިވާ މިމަޝްރޫޢު އިފްތިތާހްކޮށްދެއްވީ، ވަލީއަހުދު މުހައްމަދު ބިން ސަލްމާން އެވެ. މި ބިޔަ ސްކައިސްކްރޭޕަރސްގެ ފުޅާމިން އަދި ދިގުމިނުގައި 400 މީޓަރު އަދި އުސް މިނުގައިވެސް 400 މީޓަރު ހުންނާނެ އެވެ.

Ad
rt

މިއިމާރާތަކީ އަލަށް އުފެއްދި ނިއު މުރައްބާ ޑިވެލޮޕްމަންޓް ކޮމްޕެނީ އިން މުރައްބާ ޑިސްޓްރިކްޓްގައި ކުރިއަށް ގެންދާ މަޝްރޫޢުއެކެވެ. ސައުދީގެ ވެރިރަށް ރިޔާދުގެ މެދުތެރެއިން 19 އަކަކިލޯމީޓަރުގެ ސަރަހައްދެއްގައި މި ޕްރޮޖެކްޓް ހިންގުމަށް ނިންމާފައިވާއިރު މިއީ ދުނިޔޭގައިވެސް އިމާރާތްކުރާ މިފަދަ އެންމެ ބޮޑު އިމާރާތަށް ވެގެން ދާނެއެވެ.

20 އެމްޕަޔަރ ސްޓޭޓް ބިލްޑިންގްސް މި އިމާރާތުގެ ތެރޭގައި ބެހެއްޓޭ ވަރުގެ ބޮޑު ގިގާ ޕްރޮޖެކްޓަކީ ސައުދީ އިނޮވޭޝަން ދައްކުވައިދޭ އާ ގްލޯބަލް އައިކޮންއަކަށް ވާނެ ކަމަށް އެގައުމުން އުންމީދު ކުރެއެވެ.

އެ އިމާރާތުގެ މެދުގައި ސްޕައިލިން ޓަވަރެއް ހުންނާނެ އެވެ. ސޮޕިން މޯލްތަކާއި ސަގާފީ އަދި ފަތުރުވެރިންގެ ޝައުގުވެރިކަން ހުންނަ ތަންތަން ހިމެނޭއިރު 100،000 އަށް ވުރެ ގިނަ ރެޒިޑެންޝަލް ޔުނިޓާއި 9،000 ހޮޓެލް ރޫމްގެ އިތުރުން އޮފީސް ތަކަށްވެސް ޖާގަ ދޫކުރާނެއެވެ.

މީގެ އިތުރުން، މުނިފޫހިފިލުވުމާއި ސަގާފީ ކަންކަން ދައްކުވައިދޭ 80 ތަނާއި ޓެކްނޮލޮޖީ އެންޑް ޑިޒައިން ޔުނިވާސިޓީ އާއި މަލްޓިޕާޕަސް އިމަރސިވް ތިއޭޓަރާއި “އައިކޮނިކް” މިއުޒިއަމެއް ވެސް ހިމެނޭނެ އެވެ.

މުޅި މަޝްރޫއު ނިންމުމަށް ހަމަޖެހިފައިވަނީ 2030 ވަނަ އަހަރުގެ ނިޔަލަށެވެ.

މިމަޝްރޫއުގެ ސަބަބުން ސައުދީގެ އިގްތިސާދަށް 48 ބިލިއަން ޑޮލަރު ލިބިގެންދާނެކަމަށް ލަފާކުރާއިރު 334،000 ވަޒީފާ އިތުރަށް އުފެދިގެން ދާނެކަމަށް އަންދާޒާ ކުރެއެވެ.

ގެފުޅުގެ ބައްޓަމަށް "ދަ މުބާކް" ސްކައިސްކްރޭޕަރސް ބިނާކުރާތީ ބައެއް ފަރާތްތަކުން އަންނަނީ ނުރުހުން ފާޅުކޮށް އަޑު އުފުލަމުންނެވެ.