ރައީސް އޮފީހުގެ ތަރުޖަމާނުގެ ހައިސިއްޔަތުން މުހައްމަދު މަބްރޫކް އަޒީޒް ކުރެއްވި ޚިދުމަތްތަކަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލުހު ޝުކުރު އަދާކުރައްވައިފިއެވެ.
އެމަނިކުފާނު ޝުކުރު އަދާކުރައްވާފައި މިވަނީ އެ މަގާމުން މަބްރޫކް އިސްތިއުފާދެއްވައި އެކަން އިއުލާން ކުރެއްވުމުންނެވެ. ރައީސް ކުރެއްވި ޓުވީޓުގައި ވިދާޅުވީ ވަކިން ހާއްސަކޮށް ކޮވިޑް-19 ގެ ދުވަސްވަރު މަބްރޫކް ކޮށްދެއްވި ޚިދުމަތްތައް ފާހަގަކުރައްވާ ކަމަށާއި، އަބަދުވެސް ކާމިޔާބާއި އިފާފާގަތިކަން އެދިލައްވާ ކަމަށެވެ.
Thank you @mabrouq for your service (including your many invaluable contributions during the Covid-19 crisis) here at the President’s Office. I wish you success and happiness in this newest chapter of your life. https://t.co/ltl9DtG28Z
— Ibrahim Mohamed Solih (@ibusolih) August 24, 2022
އިސްތިއުފާދެއްވިކަން އިއުލާންކުރައްވައި މަބްރޫކް ކުރެއްވި ޓުވީޓުގައި ވިދާޅުވީ އެކަމަކީ ފާއިތުވި ދެތިން މަސްދުވަސް ކުރިން ފަށައިގެން ރައީސުލްޖުމްހޫރިއްޔާ އަށް އަންގައި އެމަނިކުފާނުގެ މަޝްވަރާގެ މަތިން ނިންމި ނިންމުމެއް ކަމަށެވެ. ރައީސް އޮފީހުގައި ޚިދުމަތްކުރެއްވި ދުވަސްވަރަށް އަލިއަޅުއްވާލައްވައި މަބްރޫކް ވަނީ ދެއްވި ފުރުސަތުތަކަށް ޝުކުރުއަދާކުރައްވާފައެވެ.
ވަކިން ހާއްސަކޮށް ކޮވިޑް-19ގެ ދުވަސްވަރު ޚިދުމަތުގެ ފުރުސަތު ލިބުމާއި، ރައީސް ސޯލިހު ކުރެއްވި އިތުބާރު މަބްރޫކް ފާހަގަކުރެއްވިއެވެ.
މަބްރޫކް އިސްތިއުފާ ދިނުމާއި އެކު މިހާރު އެ މަގާމަށް އައްޔަންކޮށްފައި ވަނީ ފޮރިން މިނިސްޓްރީގެ ކޮމިއުނިކޭޝަންސް ޑިރެކްޓަރ އަކަށް ހުންނެވި މިއުވާން މުހައްމަދެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!