ވެމްކޯ ސައިޓުގައި ހުރި މިސްކިތް ބޮޑުކޮށް އަލުން ހުޅުވައިފި

ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ މާލޭގެ ވޭސްޓް ޓްރާންސްފާ ސެންޓަރުގައި ހުރި މިސްކިތުގެ ޖާގަ ބޮޑުކޮށް އަލުން ހުޅުވައިފިއެވެ.

މި މިސްކިތް ހުޅުއްވައިދެއްވީ މިނިސްޓަރ އޮފް އިސްލާމިކް އެފެއާޒް ގެ ނައިބު ޝާފިއު އަލީއެވެ. އަދި އިމާމްވެ ނަމާދު ކުރެއްވީ އިސްލާމީ މަރުކަޒުގެ އިމާމް އައްޝައިޚްއިބްރާހީމް ރަޝީދު ހަސަނެވެ.

އެ ކުންފުނިން ބުނިގޮތުގައި ޖާގަ ބޮޑުކޮށް މި މިސްކިތް އަލުން ހުޅުވީ ރޯދަ މަހާ ގުޅިގެންނެވެ. އެގޮތުންމިހާރު ވުޞޫ ކުރެވޭނެ އިންތިޒާމްވެސް ހަމަޖެހިފައިވާނެ ކަމަށް އެކުންފުނިން ބުންޏެވެ.

މީގެ އިތުރުން ވެމްކޯއަކީ ގިނަ އަންހެނުން މަސައްކަތް ކުރާ ކުންފުންޏަކަށްވުމުން މިހާރު އަންހެނުންނަށް ހާއްސަ ސަރަހައްދެއްވެސް މިސްކިތުގައި ވަނީހުޅުވައިފައެވެ.