ހދ. ދިއްދޫގައި ހުންނަ ''ހއ. އަމާންވެށި'' އިން ކޯވިޑް-19އަށް ޕޮޒިޓިވްވި ކުދިންނާއި، މީހުންގެ ޢަދަދު 15 އަށް އަރައިފިއެވެ.

ހއ. އަމާންވެށީގައި ކަރަންޓީނުގައި ތިބި 15 ކުދިން ތެރެއިން 11 ކުއްޖަކު ޕޮޒިޓިވްވެފައިވާއިރު، އެ ކުދިން ބެލެހެއްޓުމުގެ މަސައްކަތުގައި ތިބި 4 މީހަކު ވެސް ވަނީ ޕޮޒިޓިވް ވެފައެވެ.

Ad
rt

ހއ. އަތޮޅު ހޮސްޕިޓަލްގެ މެނޭޖަރު އުޘްމާން އަޝްރަފް ''ތިލަދުން''އަށް ވިދާޅުވީ، ހއ. އަމާންވެށިން މިހާތަނަށް ޕޮޒިޓިވްވި ޢަދަދު 15 އަށް އަރާފައިވާ ކަމަށެވެ.

''އަމާންވެށިން ވަނީ 11 ކުއްޖަކާއި، އެކުދީން ބަލަހައްޓާ 4 މީހަކު ޕޮޒިޓިވްވެފައި، އެ ހުރިހާ އެންމެންނަކީ ވެސް ކަރަންޓީނު ވެގެން ތިބި މީހުން، އެންމެންގެ ހާލުވެސް ރަނގަޅު،'' އަޝްރަފް ވިދާޅުވިއެވެ.

މި މަހުގެ 6 ވަނަ ދުވަހު ދިއްދޫގައި ހުޅުވި ހއ. އަމާންވެއްޓަށް ތިން ޢާއިލާއަކަށް ނިސްބަތްވާ 15 ކުއްޖަކު ހަމަ އެދުވަހު ވަނީ ބަދަލުކޮށްފައެވެ. އެދުވަހުން ފެށިގެން އެކުދީންނާއި، އެކުދީން ބަލަހައްޓާ މީހުން ވެސް ތިބީ، އެކުދީންގެ ކަރަންޓީނު މުއްދަތު ހަމަވަންދެން އެތަނުގައި ކަރަންޓީނު ވެގެންނެވެ.