ޒަމާންތަކެއްވަންދެން ކުޅުދުއްފުށި ސިޓީގައި ގިނަވެފައި ހުރި ކުނިތައް ވެމްކޯއިން މިއަދު ނަގަން ފަށައިފިއެވެ.
މިއީ ރައީސް އޮފީހުގެ އިސް ނެގުމުގެ މަތިން ކުޅުދުއްފުއްޓަށް ދިމާވެފައިވާ ކުނީގެ މައްސަލައަށް ހައްލު ހޯދުމަށް ފެށި މަސައްކަތެކެވެ. މީގެ ސަބަބުން ދެމެއްހެޓެނިވިގޮތެއްގައި އެ ސިޓީގައި ކުނި މެނޭޖު ކުރެވޭނެ ކަމަށް ވެމްކޯއިން ބުނެއެވެ.
އެ ކުންފުނިން މައުލޫމާތު ދޭ ގޮތުގައި މި މަސައްކަތް ނިމޭއިރު ގާތްގަނޑަކަށް 92،000 ޓަނުގެ ކުނި އެ ސިޓީން ސާފު ކޮށްލެވޭނެ އެވެ.
We are excited to announce the commencement of the clearing of accumulated waste in Kulhudhuffushi City. As part of an initiative by @presidencymv, we expect this project to make huge progress towards building the foundation for sustainable waste management in @kfcitycouncil pic.twitter.com/EMfZcuHhDO
— Waste Management Corporation Limited (WAMCO) (@WAMCOmv) February 5, 2021
ވެމްކޯއިން ވަނީ މިކަމަށް ބޭނުންވާ އުޅަނދުތައް ވެސް މިހާރު ކުޅުދުއްފުއްޓަށް ފޮނުވައިފައެވެ. ޕްރޮޖެކްޓު ނިމެންދެން އެ އުޅަނދުތައް ކުޅުދުއްފުށީގައި ހުންނާނެ ކަމަށްވެސް އެ ކުންފުނިން ބުންޏެވެ.
ވެމްކޯއިންވަނީ މިދިޔަމަހު ހއ. ދިއްދޫގައި ޒަމާންތަކެއްވަންދެއް ޖަމާވެފައިހުރި ކުނިތައްވެސް ނަގާ އެރަށު ކުނިގޮނޑުވެސް ސާފުކޮށްފައެވެ. މިކަމުގެ ސަބަބުން ކުނީގެ ސަބަބުން ރައްޔިތުން އުފުލަމުންއައި ތަކުލީފުތަކަށްވަނީ ލުއިކަމެއްލިބިފަ އެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!