ވެލާނާ އިންޓަރނޭޝަނަލް އެއަރޕޯޓް (ވީއައިއޭ) އަށް ކަރަންޓު އަލުން ފުރިހަމައަށް ލިބިފައިވާކަމަށް އެ އެއާޕޯޓް ހިންގާ އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފިއެވެ.

އެމްއޭސީއެލުން ބުނިގޮތުގައި މިއަދު މެންދުރުފަހު 2:05 ގައި ވީއައިއޭ އަށް އަލުން ކަރަންޓު ވަނީ ލިބިފައެވެ.

Ad
rt

އެމްއޭސީއެލުން ބުނީ ކުރިން، މާލެ ސަރަޙައްދުގައި ދިމާވި ކަރަންޓު ކެނޑުމުގެ މައްސަލައިގެ ސަބަބުން އެއަރޕޯޓަށްވެސް އޭގެ އަސަރުކުރި ކަމަށެވެ. އެއީ މައި ކަރަންޓު ވިއުގަ އަކީ އެމްއޭސީއެލްގެ އަމިއްލަ ކަރަންޓު އުފެއްދުމުގެ ނިޒާމުގެ ބެކަޕް ގޮތުގައި ބޭނުންކުރެވޭ ނިޒާމަކަށް ވާތީކަމަށް އެ ކުންފުނިން ބުންޏެވެ.

ނަމަވެސް، މިކަމުގެ ސަބަބުން އެއަރޕޯޓުގެ މުހިންމު ހުރިހާ މަސައްކަތްތަކެއް ހުއްޓުމެއްނެތި ކުރިއަށް ގެންދެވުނު ކަމަށާއި، އެއީ އެމްއޭސީއެލްގެ ބެކަޕް ކަރަންޓު ސަޕްލައިގެ އެހީގައި ކަމަށް ވެސް އެ ކުންފުނިން ބުންޏެވެ.

‘’އަޅުގަނޑުމެން މިހާރު ދަނީ އިތުރު ރަނގަޅު ކުރުންތަކެއް ގެނައުމަށް މަސައްކަތްކުރަމުންނެވެ. އެއީ މުސްތަޤުބަލުގައި ކަރަންޓު ކެނޑިގެން ދިމާވެދާނެ އެއްވެސް މައްސަލައެއްގެ ސަބަބުން އެއަރޕޯޓުގެ ޚިދުމަތްތަކަށް އަސަރު ނުކުރާނެކަން ކަށަވަރުކުރުމަށްޓަކައެވެ.’’ އެމްއޭސީއެލުން ބުންޏެވެ.