މިނިސްޓްރީ އޮފް އެޑިޔުކޭޝަނުން، ދިރާސީ އައު އަހަރު (2023-2024)ގެ އެކަޑަމިކް ކަލަންޑަރު މިއަދު އާންމުކޮށްފިއެވެ.

މި ކަލަންޑަރުގައިވާގޮތުން 2023-2024 ވަނަ އަހަރުގެ ފުރަތަމަ ޓާމްގެ ކިޔެވުން ފަށާނީ 6 އޯގަސްޓް 2023 ގައެވެ.

Ad
rt

މިކަލަންޑަރުގައިވާގޮތުން ފުރަތަމަ ޓާމްގެ މިޑްޓާމް ބުރޭކް ލިބޭނީ އޮކްޓޯބަރު 15 އިން 19 އަށެވެ. އަދި ފުރަތަމަ ޓާމްގެ ޗުއްޓީއަކީ 24 ޑިސެމްބަރު 2023 އިން 6 ޖެނުއަރީ 2024 އަށެވެ.

ގްރޭޑް 12ގެ ދަރިވަރުންނަށް ފުރަތަމަ ޓާމްގެ އިމްތިހާނު މިއަހަރުގެ 7 އޯގަސްޓްއިން 20 ސެޕްޓެމްބަރަށް ކުރިއަށް ގެންދަން ނިންމާފައިވާއިރު، ގްރޭޑް 11 ގެ ކިޔެވުން ފަށަން ނިންމާފައި ވަނީ ސެޕްޓެމްބަރު މަހުގެ 3 ވަނަ ދުވަހުއެވެ. އަދި ގްރޭޑް 7 އިން 12 އަށް ފުރަތަމަ ޓާމް އިމްތިހާން ބާއްވަން ނިންމާފައި ވަނީ ޑިސެމްބަރު 3 އިން 14 އަށެވެ.

ދެވަނަ ޓާމްގެ ކިޔެވުން 2024 ވަނަ އަހަރުގެ ޖެނުއަރީ މަހުގެ 7 ވަނަ ދުވަހު ފަށަން ނިންމާފައިވާއިރު ގްރޭޑް 11ގެ ދަރިވަރުންނަށް ފުރަތަމަ ޓާމްގެ އިމްތިހާނު ބާއްވަން ނިންމާފައި ވަނީ އަންނަ އަހަރުގެ ޖެނުއަރީ 21 އިން ފެބްރުއަރީ 8 އަށެވެ. ގްރޭޑް 10 އަށް މޮކް އެގްޒާމް އޮންނާނީ މާރިޗް 17 އިން 28 އަށެވެ.

ދެވަނަ ޓާމްގެ މިޑް ޓާމް ބްރޭކް އޭޕްރިލް 7 އިން 11 އަށް ތާވަލުކޮށްފައިވާއިރު، ގްރޭޑް 7 އިން 12 އަށް ދެވަނަ ޓާމްގެ އިމްތިހާނު އޮންނާނީ މެއި 26 އިން 6 ޖޫން އަށެވެ. އަދި ދެވަނަ ޓާމްގެ ކިޔެވުން ބަންދުވާނީ ޖޫން 13 އަށެވެ.

އަންނަ ދިރާސީ އަހަރުގެ ބޮޑު ބަންދުގެ މުއްދަތަކީ 14 ޖޫން އިން 25 އަށެވެ.

2024 ވަނަ އަހަރުގެ އެކަޑަމިކް އަހަރު ފަށާނީ 31 ޖުލައިގައެވެ.