ހދ. އަތޮޅު ޤުރުއާން މުބާރާތް ފަށައިފި

ހދ. އަތޮޅު ކައުންސިލުން އިންތިޒާމްކޮށްގެން ބާއްވާ ''ހދ. އަތޮޅު ޤުރްއާން މުބާރާތް 2022'' އިއްޔެ ފަށައިފިއެވެ.

ނޮޅިވަރަމްގައި ކުރިއަށްދާ މި މުބާރާތުގައި ހދ. އަތޮޅުގެ 12 ރަށުން 130 ދަރިވަރުން ވާދަކުރާ ކަމަށް އަތޮޅު ކައުންސިލުން ވިދާޅުވެ އެވެ.

މި 130 ބައިވެރިންގެ ތެރޭގައި ހިމެނީ، ބަލައިގެން ކިޔެވުމުގެ ގޮފީގައި ބައިވެރިވި 95 ދަރިވަރުން އަދި ނުބަލާ ކިޔެވުމުގެ ގޮފީގައި ބައިވެރިވި 35 ދަރިވަރުން ނެވެ.

މި މުބާރާތް ކުރިއަށް ދާނީ މި އޮކްޓޫބަރު މަހުގެ 6 ވަނަ ދުވަހުން ފެށިގެން 8 ވަނަ ދުވަހުގެ ނިޔަލަށެވެ.

މުބާރާތުގެ ދެވަނަ ދަންފަޅީގައި ދަރިވަރަކު ކިޔަވަނީ، ފޮޓޯ: ހދ. އަތޮޅު ކައުންސިލް

މި މުބާރާތުގައި ބަލައިގެން ކިޔެވުމުގެ ގޮތްޕާއި، ނުބަލާ ކިޔެވުމުގެ ގޮފި ހިމެނޭގޮތަށް، މިއަހަރުގެ މުބާރާތް ބަހާލާފައިވަނީ ޖުމްލަ 6 ޢުމުރު ފުރާއަކަށެވެ. އެއީ 6 އަހަރުން ދަށް، 9 އަހަރުން ދަށް، 12 އަހަރުން ދަށް، 15 އަހަރުން ދަށް، 18 އަހަރުން ދަށް އަދި 18 އަހަރުން މަތީގެ ޢުމުރު ފުރާއެވެ.